Qazaqstanda 11 myńnan astam jol belgisi ornatylmaq

NUR-SULTAN. QazAqparat – Jol jabynynda qysqy kezeń men kóktemgi sý tasqynynan keıin paıda bolǵan aqaýlardy joıýǵa baǵyttalǵan keshendi maqsatty baǵdarlama bekitildi. Onyń aıasyndaǵy jumystar kólik quraldarynyń qaýipsiz jáne úzdiksiz qozǵalysyn qamtamasyz etýdi kózdeıdi, dep habarlaıdy QazAqparat QR Indýstrııa jáne ınfraqurylymdyq damý mınıstrligine silteme jasap.

Baǵdarlama sheńberinde el joldarynyń boıynda 11500-ge jýyq jol belgisi men shaqyrymdyq belginiń 2500-den astamy, 683 aqparattyq panno, sondaı-aq 28 myń dabyl baǵanasy ornatylmaq.

Respýblıkalyq mańyzy bar joldardyń 600 myń sharshy metrine aǵymdyq jóndeý júrgizý josparlandy. Atap aıtqanda, shuńqyrlardy jóndeý (474 myń m2), joldy tegisteý (93 myń m2), boılyq jáne kóldeneń deformatsııalyq jikterdi joıý (6 284 myń p.m). Sondaı-aq, 672 myń sharshy metr jolda jaryqtardy biteledi.

Sonymen qatar, 4 myń sharshy metrden astam jolǵa shý jolaqtary ornatylady. Shamamen 406 jol býferi, 141 myńnan astam katafot jáne 32 jaryqdıodty jol belgisi qoıylmaq.

Respýblıkalyq joldarda 63 myń metrge 168 qorshaýlar men avtomobıl pavılondaryn, demalys alańdaryn qurý jáne jóndeý josparlanyp otyr. Jalpy, jolshylar bıyl 15 baǵytty qamtıtyn bolady.

Budan buryn respýblıkalyq joldardaǵy 672 421 metr jaryqshalar joıylatyny habarlanǵan.