Qazaqstanda 11-13 mamyr aralyǵynda qatty jańbyr jaýyp, kún sýytady

ASTANA. QazAqparat – 11 mamyrda Qazaqstanda jańbyr jaýyp, kún sýytady. Respýblıka boıynsha jel kúsheıip, ońtústik óńirlerde shańdy daýyl soǵady, dep habarlaıdy QazAqparat «Qazgıdromet» RMK-ǵa silteme jasap.

Sınoptıkterdiń boljamy boıynsha, Qazaqstannyń basym bóliginde aýa raıy ońtústik tsıklonnyń yqpalynda bolady, soǵan baılanysty jańbyr jaýyp, kún kúrkireıdi jáne burshaq jaýýy múmkin. 11-12 mamyrda batysta, 12-13 mamyrda – soltústik-batysta, soltústikte, 13 mamyrda – ortalyqta jáne shyǵysta qatty jańbyr jaýady. Respýblıka boıynsha jel kúsheıip, ońtústik óńirlerde shańdy daýyl soǵady.

Respýblıka boıynsha aýa temperatýrasy tómendeıdi. Soltústik jáne shyǵys óńirlerde túnde 2 gradýsqa deıin úsik júredi. Kúndizgi ýaqytta temperatýra soltústik-batysta jáne soltústikte 5-15 gradýs jyly bolady.