Qazaqstanda 109 ambýlatorııalyq-emhanalyq nysan salynyp jatyr – QR DSM

NUR-SULTAN. QazAqparat - Qazaqstanda medıtsınalyq kómektiń qoljetimdiligin qamtamasyz etý maqsatynda 2021 jyly elimizdiń óńirlerinde 109 ambýlatorııalyq-emhanalyq nysannyń qurylysy bastaldy.

Bul týraly QazAqparat QR Densaýlyq saqtaý mınıstrliginiń baspasóz qyzmetine silteme jasap habarlaıdy.

Jalpy, búgingi tańda halyqqa medıtsınalyq qyzmetterdi 7 myńnan astam ambýlatorııalyq-emhanalyq uıym kórsetedi, onyń ishinde memlekettik 59%, jeke menshik - 41%.

Jalpy praktıka dárigerleriniń 12 myńnan astam ýchaskesi ashyldy.

Qant dıabeti, gıpertonııa jáne sozylmaly júrek jetkiliksizdigi boıynsha aýrýlardy basqarý baǵdarlamasyn iske asyrý jalǵasýda. Bul baǵdarlamaǵa dınamıkalyq baqylaýdaǵy patsıentterdiń 55%-y qatysady.

Qazirgi ýaqytta alǵashqy medıtsınalyq-sanıtarlyq kómekti qarjylandyrý densaýlyq saqtaýdy qarjylandyrýdyń jalpy kóleminiń 52,4%-na deıin jetkizildi.

Bul kórsetkish 60%-ǵa deıin jetkiziledi. Osylaısha, qymbat statsıonarlyq emdeýden aýrýlardyń aldyn alýǵa kóshý júzege asyrylady.