Qazaqstanda 10 jyldan keıin gaz tapshylyǵy sezilýi múmkin - Úkimet otyrysy

ASTANA. QazAqparat - Elimizde 2024 jylǵa qaraı gaz tapshylyǵy týyndaýy múmkin. Bul týraly búgin Úkimet otyrysynda QR Munaı jáne gaz mınıstri Uzaqbaı Qarabalın málim etti.

Onyń sózine qaraǵanda, buǵan gazdy keri aıdaý kóleminiń artýy sebep bolýda. Atap aıtqanda, Qazaqstanda óndiriletin gazdyń 90 paıyzy ilespe gaz bolyp tabylady. Munaı-gaz ken oryndarynan bastapqyda suıyq frantsııalar óndiriledi. Qazirgi kezde óndiriletin munaıdyń ilespe gazynyń bir bóligi, ıaǵnı shamamen 30 paıyz jer qabatyndaǵy qysymdy saqtaý úshin keri aıdalady.