Qazaqstanda 10 esirtki zerthanasy joıyldy
Ótken aptada Іshki ister mınıstri Erlan Turǵymbaevtyń tóraǵalyǵymen vedomstvonyń alqa májilisi ótkenin eske salǵan ol: «Basqosýda uıymdasqan qylmys pen esirtki bıznesine qarsy is-qımyl jónindegi jumystyń jaı-kúıi jeke qaraldy. Jyl basynan beri 2 tonnaǵa jýyq esirtki, onyń ishinde 41 keli sıntetıkalyq esirtki tárkilengen. Olardy óndiretin 10 esirtki zerthanasy joıyldy», - dedi.
Onyń aıtýynsha, alqa otyrysyna qatysqandar qoǵamdyq tártipti saqtaý máselelerine erekshe nazar aýdardy.
«ІІM júıesinde 2021 jyl quqyq buzýshylyqtyń aldyn alý jáne «jurtqa jaqyn polıtsııa» qaǵıdatyn qamtamasyz etý jyly dep jarııalandy. Qalalarda 58 modýldik statsıonarlyq polıtsııa beketteri ornatyldy. Jalpy 5 jyl ishinde osyndaı 176 beket ornatý josparlanýda. Qoǵamdyq oryndar men avtojoldarda polıtsııany shuǵyl shaqyrý úshin «SOS» dabyl túımelerin ornatý pysyqtalýda» - dep atap ótken Erlan Turǵymbaev alqa otyrysynda.