Qazaqstanda 1-toptaǵy múgedekti kútý úshin járdemaqy tóleý máselesi pysyqtalýda

NUR-SULTAN. QazAqparat – QR Eńbek jáne halyqty áleýmettik qorǵaý mınıstri Birjan Nurymbetov ІH Azamattyq forýmda múgedekterdi syrttaı kýálandyrý jumystary týraly aıtyp berdi, dep habarlaıdy QazAqparat tilshisi.

«Múgedektikti syrttaı kýálandyrý – problemalyq máselelerdiń biri. Qazirgi ýaqytta múgedektik alatyn adam birneshe ınstantsııadan ótýge májbúr. Aldymen emhanaǵa júginedi, sodan keıin medıtsınalyq-áleýmettik saraptamaǵa, sosyn ákimdik bólimine barýy kerek. Jumys máselesi týyndasa, jumyspen qamtý ortalyǵyna da barady. Osy jumystardy azaıtý úshin biz syrttaı kýálandyrýǵa aýysqymyz keledi. Munda tek emhanada tekserýden ótý kerek bolady, al medıtsınalyq-áleýmettik saraptama, konsılıým syrttaı ótedi. ıAǵnı, járdemaqy, jeke ońaltý baǵdarlamasy avtomatty túrde taǵaıyndalady, oǵan qosa jumyspen qamtý ortalyǵyndaǵy qyzmetterdi avtomattandyrýdy josparlap otyrmyz», - dedi mınıstr úkimettik emes uıymdardyń ókilderimen kezdesýde.

Onyń aıtýynsha, birinshi toptaǵy múgedekterdi kútý boıynsha biryńǵaı járdemaqy engizý máselesi de pysyqtalyp jatyr.

«Ókinishke oraı, qazirgi zańnamada áleýmettik turǵyda ádiletsiz bolyp kórinetin normalar bar. Mysaly, bizdiń elimizde birinshi toptaǵy múgedektigi bar 65 myń adam turady. Olardyń 24 myńǵa jýyǵy jeke kómekshi qyzmetterin, 4 myńǵa jýyǵy – medıtsınalyq-áleýmettik mekemelerde, 16 myńǵa jýyǵy – birinshi toptaǵy múgedekterge kútim jasaý jónindegi járdemaqyny paıdalanady. Biraq zańnama bul járdemaqyny bala kezinen múgedek bolǵan jaǵdaıda ǵana engizedi, al eresek adam múgedek bolsa she? Sondyqtan muny túbegeıli ózgertkimiz keledi jáne barlyǵyna birinshi toptaǵy múgedekterge kútim jasaý boıynsha biryńǵaı járdemaqy engizgimiz keledi», - dep túsindirdi Birjan Nurymbetov.