Qazaqstanda 1-toqsanda munaı óndirý 4,2% artqan

NUR-SULTAN. QazAqparat - Qazaqstanda munaı óndirý 2019 jyldyń qańtar-naýryzynda 19,827 mln tonnany qurady, bul 2018 jyldyń osy kezeńimen salystyrǵanda 4,2 paıyzǵa kóp, dep habarlaıdy QazAqparat QR Ulttyq ekonomıka mınıstrliginiń Statıstıka komıtetine silteme jasap.

Eseptik kezeńde gaz kondensaty 3,184 mln tonna (byltyrǵydan 4,7 paıyzǵa az), tabıǵı gaz - 14,635 mlrd tekshe metr (+4 paıyz), kómir - 29,704 mln tonna (-0,1 paıyz) bolǵan.

Sondaı-aq, temir rýdalary - 9,164 mln tonna (-6,5%), jez rýdalary - 27,292 mln tonna (+17,3%), quramynda altyny bar rýdalar 5,258 mln tonna (+20,2%), hrom qospasy - 1,201 mln tonna (+14,4%) kóleminde óndirildi.