Qazaqstanda 1 mln 200 myń adam revaktsınalaýdan ótti

NUR-SULTAN. QazAqparat – QR DSM sanıtarlyq-epıdemıologııalyq baqylaý komıtetiniń tóraǵasy Aıjan Esmaǵambetova eldegi revaktsınalaý jumystary týraly aıtyp berdi, dep habarlaıdy QazAqparat tilshisi.

«Koronavırýs ınfektsııasyna qarsy revaktsınalaý 6 aı buryn vaktsına alǵan adamdarǵa júrgiziledi. Búginde 1 mln 200 myń adam revaktsınalaýdan ótti», - dedi A. Esmaǵambetova Ortalyq kommýnıkatsııalar qyzmetinde ótken baspasóz máslıhatynda.

Sonymen birge, spıker Phizer preparatynyń jaramdylyq merzimin jáne qansha adam saldyrǵanyn aıtty.

«Qazaqstanda Komırnatı (Phizer) vaktsınasynyń 2,5 mln astam dozasy bar. Onyń jaramdylyq merzimi – 9 aı. Búgingi kúni 564 myńnan astam adam Phizer-diń birinshi komponentin saldyrdy. Ekinshi komponentpen 300 myńnan astam adam egildi», - dedi Aıjan Esmaǵambetova.