Qazaqstanda 1 395 aýyldyń sý máselesi aldaǵy eki jylda sheshiledi

ASTANA. QazAqparat – Qazaqstanda 6 295 aýyl tirkelgen jáne onyń 4 900-i sýmen qamtylǵan, dep habarlaıdy QazAqparat tilshisi.

Bul týraly QR IIDM Qurylys jáne turǵyn úı-kommýnaldyq sharýashylyq isteri komıteti tóraǵasynyń orynbasary Ázimbek Pazylbekuly ortalyq kommýnıkatsııalar qyzmetinde aıtty.

Spıkerdiń aıtýynsha, qalǵan 1 395 aýyldyń aýyz sý máselesi 2025 jyldyń sońyna deıin sheshiledi.

«391 aýylda bizdiń mınıstrliktiń jelisi boıynsha ortalyqtandyrylǵan sýmen jabdyqtaý qurylysy josparlanýda jáne 41 aýylda Ekologııa jáne tabıǵı resýrstar mınıstrligi arqyly toptyq sý qubyrlaryn salý jobasy sheńberinde salynbaq. Halqy az 963 aýylda bıýdjet qarajatyn tıimdi paıdalaný maqsatynda jergilikti bıýdjet qarajatynan keshendi blok modýlder ornatylady», - dedi spıker.

Ortalyqtandyrylǵan sýmen jabdyqtaý qurylysy josparlanǵan 126 aýylda jobalyq-smetalyq qujattamany ázirleý qajet.

Qazir 59 aýyl boıynsha atalǵan jumys júrgizilip jatyr jáne qalǵan 67 aýyl boıynsha ákimdikterge jumysty jedeldetý qajet.

Buǵan deıin spıker elde sý tutyný mádenıeti qalyptaspaǵanyn, Qazaqstan Eýropa elderimen salystyrǵanda 3 ese kóp sý jumsaıtynyn aıtqan edi.