Qazaqstan «jumsaq kúsh» jahandyq reıtınginde 79 orynǵa shyqty

LONDON. QazAqparat – Qazaqstan eldiń «jumsaq kúshiniń» syrtqy álemge yqpalyn baǵamdaıtyn jahandyq reıtıngide 121 eldiń ishinde 79 orynǵa kóterildi, dep habarlaıdy QazAqparat tilshisi.

Al Azııa elderiniń ishinde Qazaqstan 12 orynda tur. Ortalyq Azııa elderiniń arasynda kósh basynda.

«Jumsaq kúsh» jahandyq reıtıngi memleketterdiń májbúrlep nemese kúsh kórsetý, kóndirý arqyly emes sendirý arqyly yqpal etý deńgeıin kórsetedi. Osy arqyly eldiń syrtqy álemdegi abyroıy men yqpaly esepteledi.

Reıtıngtiń kósh basynda AQSh; Ulybrıtanııa jáne Germanııa tur. Azııa elderiniń arasynda Japonııa úzdik. Al arab áleminde Birikken Arab Ámirlikteri alda tur.

Brand Finance konsaltıng kompanııasy túzetin bul reıtıng 121 eldegi 100 myńnan kem emes adamǵa saýalnama júrgizý arqyly jasalady.