Qazaqstan júk tasıtyn úlken ushaqtar alady

ASTANA. QazAqparat - Qazaqstan júk tasıtyn úlken ushaqtardy alýdy josparlap otyr. Bul týraly búgin Úkimet otyrysynda QR Premer-Mınıstri Kárim Másimov málim etti.

«QR Qorǵanys mınıstrligine Ulttyq qaýipsizdik komıtetimen, Іshki ister mınıstrligimen jáne Qarjy mınıstrligimen birlese bir aptalyq merzimde aýyr salmaqtaǵy júkti kóteretin áskerı-kóliktik ushaqtardy alý máseleleri boıynsha usynystar engizý qajet»,-dedi K. Másimov.

Úkimet basshysy bul jumysty bıýdjetti naqtylaý aıasynda júrgizgen durys bolatynyn jetkizdi

«Qorǵanys mınıstrligine osynyń barlyǵyn esepteý kerek, ıaǵnı biz naqtylaýmen kiretin kúzgi blokta bul másele birinshi kezekte engizilý qajet»,-dedi K. Másimov.