Qazaqstan JOO-larynda grantpen oqýǵa 80 elden ótinimder túsken

ASTANA. QazAqparat – Qazaqstan ýnıversıtetterinde grant boıynsha bilim alý konkýrsyna álemniń 80 elinen 2 149 adam qatysty. QazAqparat bul týraly Ǵylym jáne joǵary bilim mınıstrliginen málim etti, dep habarlaıdy QazAqparat.

Osymen tórtinshi jyl qatarynan elimizde sheteldik azamattarǵa, onyń ishinde Qazaqstan azamaty bolyp sanalmaıtyn ulty qazaq tulǵalarǵa arnalǵan stıpendııalyq baǵdarlamaǵa úmitkerlerdi irikteý júrgizilýde. Baǵdarlamaǵa qatysýǵa nıet bildirýshiler sany jyl saıyn artyp keledi. Bıyl 6 024 ótinim túsken.

«Úmitkerler baǵdarlama talaptaryna sáıkes qatań irikteýden ótti. Ótinim bildirýshiler joǵary akademııalyq úlgerim, talap etilgen qujattardyń bar bolýy jáne irikteýdiń barlyq kezeńderinen sátti ótýi negizinde irikteldi. Qazirgi kúnde úmitkerlerdiń nátıjelerin taldaý jumystary júrgizilip jatyr», - dedi mınıstrlikten.

Eske salaıyq, grant konkýrsyna qatysýǵa ótinim berý 30 naýryz - 30 maýsym aralyǵynda júrgizildi. 2023 jyly atalǵan baǵdarlama boıynsha 550 grant bólindi. Atap aıtqanda, bakalavrıat baǵdarlamalaryna – 490 grant, magıstratýraǵa – 50 jáne doktorantýraǵa 10 grant.

Konkýrs qorytyndysyn tamyz aıynyń sońǵy on kúninde Ǵylym jáne joǵary bilim mınıstrligi janyndaǵy stıpendıattardy irikteý jónindegi komıssııa qabyldaıdy.

Vedomstvo málimetine sáıkes, stıpendııalyq baǵdarlama júzege asyryla bastaǵan sátten 10 myńnan astam úmitker ótinim bergen. Baǵdarlama boıynsha 139 stıpendıat otandyq joǵary oqý ornyn támamdady, 538 stýdent oqýyn jalǵastyryp jatyr.