Qazaqstan joldarynda aýyr salmaqty avtokólikter júrisi shekteldi

ASTANA. QazAqparat - QR IDM Kólik komıteti ákimshilik polıtsııa, jergilikti atqarýshy, sondaı-aq, basqa da múddeli memlekettik organdarmen birge aýyr salmaqty avtokólikter qozǵalysyn baqylaýǵa aldy. Bul týraly mınıstirliktiń baspasóz qyzmeti habarlady.

Jazda aýa temperatýrasynyń kóterilýine jáne kún sáýlesiniń tikeleı áserine baılanysty jol tósemesi tutqyrlyq qasıetin joǵaltady, sondaı-aq kólik joldary tozady.

Atalǵan shekteý 1 maýsymynan 31 tamyzǵa deıin Almaty, Atyraý, Jambyl, Qaraǵandy (Jezqazǵan aýmaǵy), Qyzylorda, Ońtústik Qazaqstan jáne Mańǵystaý oblystarynda jarııalanǵan. Ol aýanyń temperatýrasy 25 gradýstan joǵary bolǵan jaǵdaıda saǵat 11:00-den 21:00-ge deıin salynady.  

Al Aqmola, Aqtóbe, Shyǵys Qazaqstan, Batys Qazaqstan, Qaraǵandy (Qaraǵandy aýmaǵy), Qostanaı, Pavlodar jáne Soltústik Qazaqstan oblystarynda 1 maýsymynan 15 tamyzǵa deıin, aýanyń temperatýrasy 25 gradýstan joǵary jaǵdaıda saǵat 10:00-den 22:00-ge deıin atalǵan kólikterdiń júrisine tyıym salynady.