Qazaqstan joldarynyń vırtýaldy kóshirmesi jasalyp jatyr
Jumystar joldardyń elektrondyq pasporttaryn ázirleý jónindegi joba sheńberinde júrgiziledi.
Tsıfrlyq balama — jol ınfraqurylymynyń vırtýaldy kóshirmesi, óz kezeginde joldaǵy protsesterdi basqarýdy ońtaılandyrýǵa múmkindik beredi.
Jol ǵylymı-zertteý ınstıtýtynyń mamandary 3D beıne skanerleýdiń ozyq tehnologııayn paıdalanýda.
Ázirlengen baǵdarlamalyq qural ǵımarattardy, trotýarlardy jáne belgilerdi qosa alǵanda, joldar men kóshe josparlaryn kórsetedi.
Jınalǵan málimetter negizinde jol qyzmetteri úshin esep-qısap jasalady.
«Atalǵan júıe problemalardy jedelanyqtaýǵa jáne ınfraqurylymǵa aralaspaı-aq sheshim tabýǵa kómektesedi. Tehnologııa ózgeristerdiń saldarlaryn boljaýǵa múmkindik berip, kóshe-jol jelisiniń parametrlerin ólsheý barysynda jınalǵan derekterge negizdeledi», — deıdi mamandar.
Tsıfrlyq jańashyldyqty engizý joldar men qurylystardyń jaı-kúıi týraly ortalyqtandyrylǵan derekter bazasyn qurý arqyly jol jelisin basqarýdyń tıimdiligin arttyra túspek.
Bul jańartylǵan derekter negizinde jóndeý jáne tehnıkalyq qyzmet kórsetý jumystaryn josparlaýǵa ári úılestirýge múmkindik beredi.
Resýrstardy dál boljaý jáne bólý arqyly shyǵyndar azaıady dep kútilýde.
Joldardyń jaı-kúıine turaqty monıtorıng júrgizý jáne basqarýdyń zamanaýı standarttaryn engizý ınfraqurylymnyń qaýipsizdigi men sapasyn arttyrýdy qamtamasyz etpek.
Derekterdi taldaý problemalyq aımaqtardy anyqtaýǵa múmkindik beredi, al vızýalızatsııa jol jelisiniń jaǵdaıy týraly kórneki aqparat usynady.
Esterińizge sala keteıik, qazir QazjolǴZI mamandary kóshe-jol jelisin basqarýdyń biryńǵaı júıesine engize otyryp, elimizdiń túrli óńirlerinde avtomobıl joldarynyń elektrondy pasportyn jasap jatyr.