Qazaqstan JІÓ ósimi boıynsha Ortalyq Azııa men TMD elderi ishinde kósh bastap tur

<p>Ortalyq Azııa jáne TMD (burynǵylaryn da qosqanda) elderi arasynda Qazaqstan jalpy ishki ónim (JІÓ) kólemi boıynsha aldyńǵy qatarda tur. <a href="Kazinform" target="_blank" rel="noopener">Kazinform </a>bul týraly <a href="https://finprom.kz/ru/article/kazahstan-lidiruet-sredi-stran-centralnoj-azii-i-sng-po-rostu-vvp" target="_blank" rel="noopener">Ranking </a>saıtyna silteme jasap habarlaıdy.</p>

Halyqaralyq valıýta qory (HVQ) sarapshylarynyń pikirinshe, 2023 jyly QR JІÓ kólemi birden 259,3 mlrd AQSh dollaryna, 2022 jylmen salystyrǵanda 15%-ke kóp bolýy kerek.

Qazaqstannyń JІÓ Ózbekstan, Belarýs, Grýzııa, Armenııa, Moldova, Qyrǵyzstan men Tájikstannyń jalpy ishki ónimin qosqandaǵy kórsetkishten joǵary.

Tek Reseıdiń – eń aýqymdy álemdik ekonomıkalardyń biriniń kórsetkishi ǵana Qazaqstannan joǵary. Olardyń JІÓ 2023 jyly 1,86 trln AQSh dollaryna jetedi dep josparlanǵan.

Sonymen qatar HVQ ekonomısteri 2028 jyly Qazaqstannyń JІÓ 354,7 mlrd dollarǵa, bıylǵy jylmen salystyrǵanda birden 36,8%-ke nemese 95,4 mlrd dollarǵa artady dep boljap otyr. Bul da RF-nan keıingi eń úlken kórsetkish.

QR Prezıdenti Qasym-Jomart Toqaev úkimetke odan da úlken mindet qoıdy: 2029 jylǵa qaraı JІÓ 450 mlrd dollarǵa deıin arttyryp, Qazaqstan ekonomıkasyn eki ese ósirý.

Eger ekonomıkalyq ósim jyl saıyn turaqty túrde keminde 6% kórsetip otyrsa, oǵan qol jetkizý ábden múmkin. Mundaı strategııalyq maqsatqa jetýde óńdeý ónerkásibi jobalaryn júzege asyrý mańyzdy rólge ıe ekenin aıta ketken jón.