Qazaqstan JІÓ-ge 1 mln dollar qosý úshin 400 tonnadan astam munaı óndiredi
«Qazaqstan ekonomıkasy aıtarlyqtaı deńgeıde tabıǵı resýrstardy, birinshi kezekte kómirsýtegi shıkizatyn óndirýge negizdelgen. Eldiń jalpy ishki óniminiń shamamen 15 paıyzy kómirsýtekti satýdan túsken kiristen qalyptasady. Qazaqstannyń munaı, gaz, kómir, ýrandy qosa alǵandaǵy bastapqy energııa resýrstarynyń jıyntyq qory munaı ekvıvalentimen shamamen 32 mlrd tonna bolyp baǵalanady. Bul jalpy dáleldengen álemdik energııa resýrstarynyń shamamen 4 paıyzyn quraıdy. Respýblıka kómirsýtegi qory boıynsha jetekshi elderdiń arasynda 12-shi orynda tur. Biz tabıǵı ýran qory men óndirý kólemi boıynsha kóshbasshymyz. Álemde óndiriletin ýrannyń úshten birinen astamy bizdiń elimizge tıesili», - dedi mınıstr.
Sonymen qatar ol Qazaqstan energııa resýrstaryn netto-eksporttaýshy sanalatyndyǵyn, elde óndiriletin resýrstardyń 40 paıyzǵa jýyǵyn ǵana tutynatyndyǵyn aıtty.
«Eldiń jalpy ishki ónimine 1 mıllıon dollar qosý úshin munaıdyń 400 tonnadan astam ekvıvalentin óndirý qajet. Mundaı jaǵdaıda biz aldymyzǵa aýqymdy mindetter qoıyp otyrmyz. Biz 2020 jylǵa qaraı JІÓ-degi energııa qamtymdylyqty 25 paıyzǵa jáne 2050 jylǵa qaraı 50 paıyzǵa tómendetýdi maqsat etýdemiz. Ekonomıkany jańǵyrtý jolymen, onyń ishinde eldiń energııalyq teńgerimin energııanyń balama jáne jańaratyn kózderimen qalyptastyra otyryp, onyń úlesin 2020 jylǵa qaraı 30, al 2050 jylǵa qaraı 50 paıyzǵa jetkizbekpiz», - dedi Bozymbaev.