Qazaqstan JI engizýge daıyndyǵy boıynsha 50 ozyq eldiń qataryna endi

<p>ASTANA. KAZINFORM &mdash; Jasandy ıntellekt (JI) ekonomıkanyń barlyq salalarynda belsendi jáne keńinen engizilip jatyr. JI eńbek naryǵynan bastap tsıfrlyq ınfraqurylym men jetkizý tizbegine deıin barlyǵyn tóńkerip, jahandyq ekonomıkany túbegeıli ózgertýi tıis. Halyqaralyq valıýta qorynyń (HVQ) málimetinshe, jahandyq jumyspen qamtýdyń 40%-ǵa jýyǵyna JI áser etedi, al keıbir salalar basqalarǵa qaraǵanda JI negizindegi avtomattandyrýǵa kóbirek beıim, dep habarlaıdy <a href="https://ranking.kz/reviews/world/kazahstan-voshyol-v-top-50-stran-naibolee-podgotovlennyh-k-vnedreniyu-ii.html" target="_blank" rel="noopener">ranking.kz.&nbsp;</a></p>

Boljam boıynsha 2300 jylǵa qaraı JI adam ıntellektiniń deńgeıine jetip, jahandyq ekonomıkaǵa jylyna 4,4 trln dollar qosady. Osy ýaqytqa deıin Brazılııa, Qytaı, AQSh, EO, Sıngapýr jáne Ońtústik Koreıany qosa alǵanda, 60 el JI salasyndaǵy ulttyq strategııalaryn ázirledi.

Halyqaralyq yntymaqtastyq ta qarqyn alyp otyr. 2020 jyly Jasandy ıntellekt boıynsha jahandyq seriktestik quryldy, onyń quramyna 29 memleket, sonyń ishinde Kanada, Japonııa jáne AQSh kiredi.

Sarapshylardyń pikirinshe, JI erejeleri áli de ázirlenip jatqanymen, uıymdar zańdy jáne qarjylyq táýekelderdi boldyrmaý úshin qazirden bastap áreket etýi mańyzdy.

HVQ usynǵan JI-ǵa daıyndyq ındeksine sáıkes, 2023 jyly JI engizýge daıyn elderdiń kóshbasshylary Sıngapýr, Danııa jáne AQSh boldy. Sıngapýr JI damytýǵa jáne memlekettik qyzmetkerlerge arnalǵan quraldardy jasaýǵa belsendi túrde ınvestıtsııa salyp, óz azamattaryna osy tehnologııalardy tez meńgerýge kómektesip jatyr.

JI-ǵa daıyndyq ındeksin tórt negizgi faktor baǵalaıdy: tsıfrlyq ınfraqurylym, adamı kapıtal, tehnologııalyq ınnovatsııa jáne zańnamalyq baza. 174 eldiń ishinde Sıngapýr, Danııa jáne AQSh eń daıyn bolsa, Ońtústik Sýdan, Aýǵanstan jáne Somalı sııaqty Afrıka elderi eń az daıyndaldy.

Qazaqstan JI engizýge daıyndyǵy boıynsha 50 jetekshi eldiń qataryna endi, ol 0,55 ball kórsetkishimen 48-shi orynǵa ıe boldy, Reseıden keıin ekinshi orynda. Qazaqstanda JI qoldanýdyń perspektıvaly salasy — geografııalyq aqparattyq júıelerdi paıdalana otyryp, memlekettik qyzmetterdi túrlendirý. Mysaly, el qazirdiń ózinde aýyldyq ınfraqurylymdy taldaý úshin JI paıdalanyp jatyr, bul damýdy tıimdirek josparlaýǵa múmkindik beredi.

Ortalyq Azııa men EAEO elderiniń ishinde Qazaqstan Armenııa, Belarýs jáne Qyrǵyzstannan alda, biraq Reseıden keıin tur. Tájikstan men Ózbekstan reıtıngte tómen oryndardy ıelenip otyr, bul osy elderde JI damytýdy jedeldetý qajettigin kórsetedi.

Buǵan deıin eńbek naryǵyna jasandy ıntellektiniń yqpaly qalaı bolatyny aıtyldy.