Qazaqstan jemqorlyqpen kúresti Eýropa organdarymen birge júrgizbek

NUR-SULTAN. QazAqparat – Qazaqstandyq delegatsııa Stokgolmdegi (Shvetsııa) EPAC (Sybaılas jemqorlyqqa qarsy kúres boıynsha eýropalyq seriktester) 19-shy konferentsııasyna qatysty. Bul týraly QazAqparat Sybaılas jemqorlyqqa qarsy kúres agentigine silteme jasap habarlaıdy.

Sonymen qatar EACN sybaılas jemqorlyqqa qarsy kúres jónindegi baılanys ortalyqtarynyń Eýropalyq jelisiniń otyrysy ótti.

ERAS / EACN — bul, eń aldymen, yntymaqtastyqty nyǵaıtý, sybaılas jemqorlyqqa qarsy kúres salasynda tájirıbe almasý, ózara-quqyqtyq kómek kórsetý maqsatynda Eýropanyń jetekshi sybaılas jemqorlyqqa qarsy organdaryn biriktiretin joǵary kásibı standarttar.

Búgingi tańda bul uıymdar Eýropa Keńesine múshe elderdiń sybaılas jemqorlyqqa qarsy 50-den astam vedomstvolaryn biriktiredi.

ERAS / EACN músheleri bolyp Eýropalyq alaıaqtyqpen kúres bıýrosy, Brıtandyq Ulttyq qylmystyq agenttik, Avstrııanyń Federaldy sybaılas jemqorlyqqa qarsy bıýrosy, Frantsııanyń sybaılas jemqorlyqty boldyrmaý jónindegi ortalyq qyzmeti, Polshanyń ortalyq sybaılas jemqorlyqqa qarsy bıýrosy jáne t.b. tabylady.

Qazaqstan konferentsııa jumysyna shaqyrylǵandar tarapy retinde qatysty.