Qazaqstan jekpe-jekten Búkilálemdik «Sport-Akkord» oıyndaryn qabyldaýy múmkin
Sport jáne dene shynyqtyrý isteri komıtetiniń málimetinshe, Stefan Foks «Sport-Akkord» halyqaralyq konventiniń vıtse-prezıdenti qyzmetin qatar atqarady. Kezdesý barysynda Stefan Foks qazaqstandyq tarapqa 2019 jyly jekpe-jekten «Sport-Akkord» búkilálemdik oıyndaryn ótkizýge kandıdatýrasyn berýdi usyndy.
«Men Astanada birneshe kúnnen beri júrmin. Kórgen dúnıelerim meni tańqaldyrdy. Men kóptegen sporttyq nysandarda boldym, barlyǵy óte sapaly turǵyzylǵan. Bul jerde, sporttyq nysandardyń bir-birine jaqyn ornalasýy da mańyzdy. Qazaqstannyń mundaı aýqymdy sharany qabyldaýǵa áleýeti zor. Sizderge jekpe-jekten Búkilálemdik «Sport-Akkord» oıyndaryn ótkizýge ózderińizdiń kandıdatýralaryńyzdy berýdi usynyp otyrmyn.», - dedi Stefan Foks.
Óz kezeginde, vıtse-mınıstr Sáken Musaıbekov Stefan Foksqa Qazaqstanǵa bildirgen senimi úshin alǵys aıtty.
«Men «Sport-Akkord» halyqaralyq konventine óz alǵysymdy bildiremin. Biz, qazirgi tańda jekpe-jektiń túrlerin qarqyndy damytyp jatyrmyz. Mundaı sharany ótkizý arqyly, biz elimizde buqaralyq sporttyq qulashtap damýyna dem beremiz. Osyndaı sporttyq jarysty ótkizý úlken maqtanysh. Eger, Halyqaralyq konvent Qazaqstanǵa senim bildirip, bizdiń kandıdatýramyzdy qoldap jatsa, biz árıne tek qýanyshty bolamyz», - dedi Sáken Musaıbekov.
Aıta keteıik, «Sport - Akkord» mýltısporttyq shara, onyń aıasynda (Sport Accord World Combat Games) jekpe-jekten búkilálemdik Sport-Akkord oıyndary ótedi. Mundaı tıpti oıyndardy ótkizý jóninde sheshimdi 12 halyqaralyq sporttyq federatsııa qabyldadyú Olardyń qatarynda aıkıdo, boks, dzıýdo, djıý-djıtsý, karate, kendo, kıkboksıng, mýaı-taı, sambo, sýmo, thekvondo, ýshý uıymdary bar.
Oıyndardy ótkizý men uıymdastyrý jumystaryn Jekpe-jekten Álemdik oıyndary komıteti úılestiredi.