Qazaqstan Jaıyqtan kirmeı qalǵan sýdyń esesin Ertisten toltyra ala ma

<p>Sý resýrstary jáne ırrıgatsııa mınıstri Nurjan Nurjigitov Reseı men Qazaqstannyń Jaıyq jáne Ertis basseınderindegi múddesi týraly pikir bildirdi, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

«Reseıden bizge Jaıyq arqyly bes jylda keletin sýdy Ertis arqyly bir jylda qaıtaryp otyrmyz. Sý salasyn basqaratyn mınıstr retinde muny ádiletsizdik dep oılamaısyz ba? Jaıyqtan kirmeı qalǵan sýdyń esesin Ertistiń esebinen toltyrý týraly usynystarǵa ne aıtasyz?», – dep surady jýrnalıst mınıstrden.

Nurjan Nurjigitov mundaı usynystar kelissóz arqyly ǵana sheshilýi múmkin ekenin aıtyp, qysqa qaıyrdy.

«Árıne, Ertis pen Jaıyq máselesin eki basseındik ınspektsııa qaraıdy. Bári kelissóz arqyly sheshiledi. Taǵy da qaıtalaımyn, qandaı sheshim qabyldasaq ta, Qazaqstan úshin tıimdi sheshim qabyldaımyz. Sondyqtan, kezdesýler de sol baǵytta ótedi», – dedi ol.

Vedomstvo basshysy Reseı-Qazaqstan arasyndaǵy sý qatynasyna baǵa bere almaıtynyn aıtady.

«Oǵan biz baǵa bere almaımyz. Sebebi qazir biz qandaı da bir sheshim bolsa da, Qazaqstan úshin sheshim qabyldaýǵa tyrysamyz», – dedi mınıstr.