Qazaqstan jastaryn merzimdi áskerı qyzmetke shaqyrý bastaldy
2019 jylǵy kóktemde Qarýly Kúshterge, Qazaqstan Respýblıkasynyń ózge de áskerleri men áskerı qurylymdaryna 18-27 jas aralyǵyndaǵy azamattardy shaqyrý josparlanǵan.
Onyń qarsańynda Qorǵanys mınıstri Nurlan Ermekbaev Qorǵanys isteri jónindegi departamentter men basqarmalardyń bastyqtarymen semınar ótkizip, ózekti máselelerdi talqylady.
Málim bolǵandaı, bıyl merzimdi áskerı qyzmetten jaltarýǵa áreket etetin tulǵalar zańnama deńgeıinde erekshe qadaǵalanady.
Eske sala keteıik, bıyl 1 naýryzdan bastap 2012 jylǵy 16 aqpandaǵy «Áskerı qyzmet jáne áskerı qyzmetshilerdiń mártebesi týraly» QR Zańyna, sondaı-aq Qazaqstan Respýblıkasy Prezıdentiniń 2019 jylǵy 13 aqpandaǵy «Áskerı qyzmettiń belgilengen merzimin ótkergen merzimdi áskerı qyzmettegi áskerı qyzmetshilerdi zapasqa shyǵarý jáne Qazaqstan Respýblıkasynyń azamattaryn 2019 jyldyń naýryz-maýsymynda jáne qyrkúıek-jeltoqsanynda merzimdi áskerı qyzmetke kezekti shaqyrý týraly» №840 Jarlyǵyna sáıkes, shaqyrý jónindegi jáne medıtsınalyq komıssııalar jas shaqyrylýshylardy sapaly irikteýge kiristi.
Jasaqtaý kezinde buǵan deıingi qaǵıda nazarǵa alynady. ıAǵnı, shaqyrylýshy áskerı qyzmetin ótkerý úshin basqa aımaqqa jiberiledi. Ásker qataryna tolyqtyrylatyn jas azamattardy irikteý jáne áskerı bólimderge taratyp úlestirý kezinde olardyń shaqyrylymǵa deıin alǵan mamandyqtary eskeriledi.