Qazaqstan jastary klımattyń ózgerýi týraly BUU-ǵa málimdeme jiberedi
LCOY Kazakhstan 2023 – BUU Klımattyń ózgerýi jónindegi negizdemelik konventsııasy jáne Ornyqty damý salasynda sheshimder ázirleý jelisiniń (SDSN) negizi is-sharasy. Jyl saıynǵy konferentsııa klımattyń ózgerýi jáne turaqty damý salasyndaǵy mazmundy dıalogtar men birlesken is-áreketke qatysý úshin Qazaqstannyń túrli aımaqtarynan jas kóshbasshylardyń, zertteýshiler men sarapshylardyń basyn qosady.
SDSN Youth Kazakhstan – Qazaqstan jastary arasynda BUU Turaqty damý maqsattaryn ilgeriletýge baǵyttalǵan serpindi jastar bastamasy. Ol 2022 jyldyń maýsym aıynda Nazarbaev ýnıversıtetinde bastaý alǵan.
«Bizdiń maqsatymyz – turaqty damýdyń 17 maqsatyna jetý úshin sheshimderdi anyqtaýǵa jáne ázirleýge kómektesý. Qazaqstandaǵy jelimiz ótken jyly paıda boldy, qazir 20-ǵa jýyq mekeme bar. Alǵash ret SDSN konferentsııasyn ótkizdik, onda jastardyń qosqan úlesine tań qaldym. Sdsn Youth ázirlegen jáne Qazaqstanda júzege asyratyn 4-5 prezentatsııa men jobalar bar. Sdsn Youth ázirlegen keıbir tujyrymdamalyq suhbattar men prezentatsııalar jáne jobalar ózekti máselelerge arnaldy jáne sheshimderi anyqtaldy», - dedi Qazaqstandaǵy SDSN tóraǵasy Shıgeo Katsý.
Búgingi jıynda «Qazaqstandaǵy klımattyń ózgerýi», «Klımat ózgerisiniń sý sektoryna áserin baǵalaý», «Qazaqstanda jasyl, turaqty, zamanaýı energııany jappaı engizý jáne paıdalanýdyń mańyzy» taqyryptarynda paneldik pikiritalastar ótedi.
Sonymen birge, konferentsııada stýdentterdiń jasyl jobalarynyń kórmesi, kórkem sýret kórmesi jáne «Klımattyq fresk» oıyny ótedi. Bul qatysýshylardyń klımattyń ózgerýi jáne onyń saldary týraly bilimin arttyrýǵa múmkindik beredi.
«Qazaqstandaǵy klımattyń ózgerý problemalary jastardy alańdatyp otyrǵanyn kórý óte mańyzdy. Sizder saıasatkerler men sarapshylardyń kelesi býyny retinde klımattyq daǵdarysty jeńý sharalaryn qalyptastyratyn jáne áser ete alatyn adam bolasyzdar. Sondaı-aq bizge klımat týraly pikirtalasta jastardyń únin tyńdaý, jańa tehnologııalarǵa qatysty ınnovatsııalyq sheshimderińizdi kórý óte mańyzdy. Oǵan qosa, jahandyq jylynýdy 1,5 gradýsqa deıin shekteý úshin ujymdyq kúsh-jiger qajet», - dedi Qazaqstandaǵy EO Ókildiginiń birinshi keńesshisi doktor Iohannes Baýr.
LCOY Kazakhstan 2023 sharasynyń mańyzdy qorytyndysy – qazaqstandyq jastar daıyndaǵan birlesken málimdeme bolmaq. Bul málimdeme Birikken Arab ámirlikteriniń Dýbaı qalasynda ótetin BUU Klımattyń ózgerýi jónindegi 28-konferentsııasyna usynylyp, klımattyń ózgerýi boıynsha jahandyq sheshimge belsendi yqpal etýge múmkindik beredi.
«Biz búgin jastarǵa klımattyń ózgerýi jóninde aqparat berip, osy saladaǵy progreske belsendi qatysý úshin qajetti daǵdylarmen qamtamasyz etkimiz keledi. Sonymen birge, jastardyń málimdemesin ázirleımiz, bul úsh taqyryptyq baǵyt boıynsha toptyq jumysty qamtıtyn qorytyndy qujat bolady. ıAǵnı qatysýshylar 3 toptyq sessııaǵa bólinedi, olar klımattyń ózgerýine baılanysty ártúrli máselelerdi qarastyrady. Munyń bárin uıymdastyrý komıteti jınaqtap, qorytyndy qujatty qarashanyń aıaǵynda jáne jeltoqsannyń basynda Dýbaı qalasynda (BAÁ) ótetin jastar konferentsııasyna jiberedi», - dedi SDSN Youth Kazakhstan bastamasynyń úılestirýshisi, Nazarbaev ýnıversıtetiniń 4-kýrs stýdenti Nıkıta Dýrnev.