Qazaqstan jastary Frantsııanyń taǵy 13 ýnıversıtetinde tegin oqýǵa múmkindik alady

<p>Ǵylym jáne joǵary bilim mınıstri Saıasat Nurbek Frantsııa men Qazaqstan prezıdentteriniń Aqordadaǵy kezdesýi aldynda &laquo;Bolashaq&raquo; baǵdarlamasyna jańa 13 ýnıversıtet qosylatynyn málim etti, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi.</p>

«Bolashaq» baǵdarlamasy aıasyndaǵy áriptestikti ári qaraı keńeıtemiz. Ózderińiz bilesizder, Frantsııa – ónerkásip eli. Ásirese energetıka, kommýnıkatsııa, kompıýter ǵylymdary, zymyran jáne áýe kemesin qurastyrý salalarynda yntymaqtastyqtyń áleýeti zor», - dedi mınıstr.

Vedomstvo basshysy Týlýza qalasynda Airbus kompanııasynyń shtab-páteri turǵanyn eske saldy. 

«Sondyqtan ǵylymı-zertteý ınstıtýttarynyń, joǵary oqý oryndarynyń, zertteý ortalyqtarynyń sanyn keńeıtemiz. Sol arqyly bizdiń ǵalymdar, magıstrattar men doktoranttar taǵlymdamadan ótedi», - dedi Saıasat Nurbek.

Eske salaıyq, Frantsııa Prezıdenti Qazaqstanǵa Memleket basshysy Qasym-Jomart Toqaevtyń shaqyrýymen keldi.

Sapar aıasynda eki el basshylary saýda-ekonomıkalyq, ınvestıtsııalyq jáne energetıkalyq yntymaqtastyqty nyǵaıtý, sondaı-aq halyqaralyq jáne óńirlik kún tártibindegi máselelerdi talqylaıdy dep josparlanǵan.

Aıta ketý kerek, Qazaqstan Prezıdenti Qasym-Jomart Toqaevtyń Frantsııaǵa byltyr jasaǵan resmı sapary aıasynda 35 qujatqa qol qoıylǵan bolatyn.