Qazaqstan jastar uıymdarynyń Elbasynyń jastar saıasaty salasyn qoldaýy boıynsha MÁLІMDEMESІ
***
Biz, óz qatarynda on myń jasty biriktirip otyrǵan «Jas Otan» Jastar qanaty, Qazaqstan Jastar Kongresi, Stýdentter alıansy, «Jasyl el» jumysshy jastar jasaqtary men Aýyl jastarynyń odaǵy atynan Qazaqstan halqy Assambleıasynda Elbasynyń jastar saıasaty salasyn qoldaý bastamasyn biraýyzdan qoldaıtyndyǵymyzdy málimdeımiz.
Prezıdenttiń bastamasyn talqylap, bizdiń jastar uıymdarynyń júzege asyrýymen usynystar ázirleý boıynsha elimizdiń barlyq aımaǵynda 1000-nan asa kezdesý ótkizildi.
El Prezıdentiniń salıqaly saıasatynyń arqasynda Táýelsizdigimizdiń alǵashqy jyldarynan bastap jastar saıasaty elimizdiń basty basymdylyqtardyń birine aınaldy.
Búgingi tańda, elimizdegi azamattyq qoǵamnyń derbes, belsendi jáne jaýapkershiligi mol bólsheginiń biri - jastar. El aýmaǵynda, myń eki júzge jýyq jastar uıymy jumys jasap, memleket qoldaýy arqyly jyl saıyn 50 myńnan astam jastarǵa baǵyttalǵan is-sharalar uıymdastyrylady.
Qazirgi tańda álemniń kóptegen damyǵan elderinde ekonomıkalyq daǵdarys óristep, mıllıondaǵan jastar ómirden óz ornyn tappaı, jumyssyz qalýda. Qazaqstanda Elbasynyń bastamasymen jalpy ulttyq: «Aýyl jastary», «Dıplommen aýylǵa!», «Jastar tájirıbesi» jáne «Jasyl el» syndy jastardyń jobalary jumys jasaýda. Jyl saıyn JOO men kolledjderdi bitirgen myńdaǵan jas mamandar jalaqysy joǵary, senimdi jumys ornymen qamtamasyz etilip otyr.
Memlekettiń sabyrly, kóregendikpen atqaryp otyrǵan oń qadamdarynyń nátıjesin myńdaǵan jas qazaqstandyqtar sezinýde. Elimizdiń jastary eline qajet ekenin únemi sezinip, óziniń batyl oıy men armandaryn belsendi júzege asyrýda. Biz elimizdiń jastar uıymdarynyń ókilderi el Prezıdentine osy qamqorlyǵy úshin dán rızamyz!
Qazaqstannyń jastar qozǵalysy Elbasynyń jastarǵa arnalǵan jańa áleýmettik satysyn qalyptastyrý bastamasyn qyzý qoldady. Jumysqa qabyldaý kezindegi ádildik pen kez kelgen jas daryndy qazaqstandyq múmkindikteriniń teń bolýyn qamtamasyz etip, óz bilimderi men tájirıbesin Otanymyzdyń ıgiligine jumsaýǵa múmkindik beredi.
Elimizde kadrlardy daıarlaýdyń qabyrǵaly júıesi engizilip jatyr. Bul qoǵam aldynda turǵan iri másele qazaqstandyq kompanııalardyń bilikti kadrlardy qajet etýinde, al joǵary oqý oryndarynyń jumys oryndaryna degen qajettiligine jaýap beredi. Atalǵan júıe jastarǵa kásibı biliktilikterin arttyrýǵa jáne olardy jumyspen qamtýǵa qosymsha múmkindikter ashady.
Júıeli baǵyttalǵan memlekettik saıasat arqyly memlekettik organdar men jastar, jastar uıymdary men qozǵalystar arasyndaǵy qarym-qatynas tetikteri jetildirilip keledi. Jyl sońyna deıin 2020 jylǵa deıingi Memlekettik jastar saıasatynyń tujyrymdamasy jasalyp, atalǵan sala boıynsha zańnamanyń jańarýyna múmkindik beredi. Bilim jáne ǵylym mınıstrligi quramynda Jastar saıasaty jónindegi komıtettiń, al aımaqtarda, sáıkesinshe, basqarmalardyń qurylýy elimizdiń ár óńirinde barlyq deńgeıde jastardyń jedel jáne tıimdi jobalary men bastamalarynyń júzege asyrylýyna yqpal etedi. Bul - jastarǵa odan ári jańa kókjıekter men múmkindikter ashylady degen sóz.
Elbasynyń jastar máselesin únemi nazarda ustaýynyń nátıjesinde búginde bizge barlyq esiktiń ashyq ekendigin senimmen aıta alamyz! Biz úshin bilim alýǵa jáne jumys jasaýǵa barlyq jaǵdaılar jasalǵan.
Bizder, Qazaqstannyń beldi jastar uıymdary, elimizdiń tabysty damýyna jáne Qazaqstannyń serpindi bolashaqqa aıaq basýyna kúsh-qýatymyzdy jumsaıtynymyzdy málimdeımiz!
«Nur Otan» HDP janyndaǵy «Jas Otan» jastar qanaty; «Jasyl el» JEJRSh; «Qazaqstan Jastar kongresi» ZTB; Qazaqstan Respýblıkasy Prezıdentiniń Halyqaralyq «Bolashaq» stıpendııasy túlekteriniń qaýymdastyǵy; «Aýyl jastar odaǵy» QB; «QSA» respýblıkalyq stýdenttik qozǵalysy» QB; «Ulttyq Delfıılik komıtet» JM; «Qazaqstannyń jas depýtattar qaýymdastyǵy» RQB; «Stýdenttik qurylys jasaǵy» RSh JM; «Qazaqstan Jastar Kongresiniń Memlekettik qyzmet mektebi» JQB; «Jarqyn Bolashaq Belesi» QB; «Kazbrend» QB; «Astana qalasynyń jastar máslıhaty» QB; «Jiger» QB; «Qarsy» JQQ» QB; «Dıplomat» QQ; «Esirtkisiz bolashaq» KQ; «Prodvıjenıe» QQ; «Pikirsaıysshylardyń respýblıkalyq qaýymdastyǵy» QB.