Qazaqstan jastar quramasy álem chempıonatynyń elıtalyq dıvızıonyna joldama aldy

<p>Shaıbaly hokkeıden 20 jasqa deıingiler arasyndaǵy álem chempıonatynda Qazaqstan jastar quramasy bir týr buryn elıtalyq dıvızıonǵa joldama aldy, dep habarlaıdy <a href="Kazinform" target="_blank" rel="noopener">Kazinform</a>.</p>

Qazaqstan quramasy elıtalyq dıvızıonǵa jalǵyz joldamany IA dıvızıonynda Frantsııa, Danııa, Japonııa, Vengrııa jáne Aýstrııa quramalarymen sarapqa salǵan edi.

Tórtinshi týrda qazaqstandyq hokkeıshiler Japonııany 3:1 esebimen súrindirdi.

Al Frantsııa Avstrııany 7:4 Danııa Vengrııany 3:1 esebimen jeńdi.

Qazirgi deıin qazaqstandyq hokkeıshiler Vengrııa (5:2), Danııa (3:2) jáne Frantsııadan (4:0) basym tústi.

Tórt týrdan keıin 12 upaı jınaǵan qazaqstandyq jastar bir týr buryn elıtalyq dıvızıonǵa joldamaǵa qol jetkizdi.

Endi qazaqstandyq hokkeıshiler aldaǵy oıynyn 16 jeltoqsanda Avstrııaǵa qarsy ótkizedi.
Qazaqstandyq hokkeıshiler álem chempıonatynyń birinshi dıvızıonynda alty márte oınady. Tórteýinde jeńimpaz atanyp, elıtalyq dıvızıonǵa joldama alǵan edi.

Qazaqstan jastar quramasy elıtalyq dıvızıonda segiz márte baq synady. Joǵary jetistigi – 1999 jyly altynshy oryn.