Qazaqstan jastar kongresi atqarýshy dırektory Prezıdenttiń aldaǵy Joldaýyna qatysty pikir bildirdi

NUR-SULTAN. QazAqparat - «Qazaqstan jastar kongresi» ZTB atqarýshy dırektory Toqtar Bolysov Prezıdenttiń Qazaqstan halqyna Joldaýynda qandaı máseleler kóterilýi múmkin ekenin aıtty, dep habarlaıdy QazAqparat tilshisi.

«Joldaý birinshi kezekte áleýmettik ári ekonomıkalyq máselelerge arnalatynyn bilemiz. Árıne, barsha álemdi koronavırýs indeti sharpyǵanyn eskere otyryp, daǵdarystan shyǵý joly, shaǵyn jáne orta bıznesti qoldaý, halyqty qoldaý sharalary turǵysynda sheshimderdi kútip otyrmyz. Bul problema bizde ǵana emes, barsha álemde ózekti ekeni belgili. Atap aıtqanda, densaýyq saqtaý bóliginde jaǵdaı turaqtalyp, ońtaıly úrdis baıqala bastaǵany qýantady», - dedi T. Bolysov.

Sonymen qatar ol qazirgi kezde halyqty bilim berý salasy alańdatyp turǵanyn jetkizdi.

«Osy oraıda Prezıdent bul taqyrypqa baılanysty naqty tapsyrmalar beredi degen oıdamyn. Qoǵam bul saladaǵy barsha másele baqylaýda turǵanyn estigisi keledi. Sondyqtan Qazaqstanda bilim berý salasynda ońtaıly jobalar iske asyrylyp, jastar sapaly bilim alyp, ózderiniń áleýetin iske asyrady degen paıymdamyn», - dedi «Qazaqstan jastar kongresi» ZTB atqarýshy dırektory.

Budan buryn habarlanǵandaı, Memleket basshysynyń Qazaqstan halqyna arnaǵan jyl saıynǵy dástúrli Joldaýy 2020 jyldyń 1 qyrkúıek kúni ótetin Parlamenttiń kezekti sessııasynyń ashylýynda jarııalanady dep josparlanyp otyr.