ASTANA. KAZINFORM — Taılandta 21 jasqa deıingiler arasynda jaǵajaı voleıbolynan Azııa chempıonaty máresine jetti.
Qazaqstandyqtar Klım Rıýhov pen Vladıslav Mastıhın óz tobynan ekinshi orynmen pleı-off kezeńine joldama aldy.
Qazaqstandyq jup 1/8 fınalda Jańa Zelandııany 2:0 (21:11, 21:16) esebimen tize búktirdi. Sodan keıin shırek fınalda asa tartysty oıynda Qytaıdyń ekinshi jubynan basym tústi (29:27, 32:30).
Jartylaı fınalda kambek jasap, Taılandtan 2:1 (18:21, 21:11, 16:14) esebimen aılasyn asyrdy.
Fınalda jarystyń favorıti sanalǵan Qytaıdyń birinshi jubyn 2:0 (21:19, 21:16) esebimen tize búktirdi.
Osylaısha, Qazaqstan jaǵajaı voleıboly tarıhynda 21 jasqa deıingiler arasynda alǵash ret Azııada úzdik shyqty.
Sonymen qatar Klım Rıýhov pen Vladıslav Mastıhın Meksıkada ótetin álem chempıonatyna joldama aldy.
Eske sala keteıik, budan buryn voleıboldan Qazaqstan erler quramasynyń Bahreındegi Ulttar kýbogynan tys qalǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).