Qazaqstan jasóspirimder quramasy álem chempıonatynda alǵash ret úzdik bestikke endi

<p>ASTANA. KAZINFORM - Antalııa qalasynda Qazaqstan jasóspirimder quramasy óz tarıhynda alǵash ret Devıs kýbogynda besinshi orynǵa ıe boldy.</p>

Sergeı Kvaktyń shákirtteri besinshi oryn úshin básekede Frantsııa quramasymen kezdesti.

Toptyq básekede qazaqstandyqtar frantsııalyqtardy 2:1 esebimen jeńgen bolatyn.

Bul joly Damır Jalǵasbaı birinshi oıynda Ferdınan Lıveni 6:3, 6:4 esebimen utty. 

Ekinshi básekede Zańǵar Nurlanuly Mýaz Kýamege ese jiberdi - 1:6, 2:6.

Sheshýshi, juptyq synda Damır Jalǵasbaı - Danıel Tazabekov Mýaz Kýame - Danıel Jadty tize búktirdi - 6:3, 1:6, 10:5.

Ótken jyly komandalyq álem chempıonatyna tuńǵysh ret joldama alǵan Qazaqstan jasóspirimder quramasy 10-orynǵa ilikken edi. Bul joly kórsetkishin edáýir jaqsartyp otyr.

Eske sala keteıik, budan buryn Qazaqstan - Koreıa matchynda Zarına Dııastyń qarsylasyn utqanyn jazǵan bolatynbyz.

Sondaı-aq Elena Rybakına esepti 2:0-ge jetkizdi.