Qazaqstan jasandy ıntellekt tehnologııasyn engizý boıynsha alǵashqy qadamdardy jasady - Asqar Mamın
Premer-Mınıstrdiń aıtýynsha, Úkimet úlken málimetter negizinde basqarýshylyq sheshimder qabyldaýǵa múmkindik beredi.
«Jasandy ıntellektige arnalǵan Smart júıesi Nazarbaev Ýnıversıtetinde qurylǵanyn atap ótkim keledi. Jalpy, Nazarbaev Ýnıversıteti dúnıejúzilik bankpen birlesip ulttyq jasandy ıntellekt klasterin damytý úshin ǵylymı-zertteý ortalyqtaryn qurýdy josparlap otyr», - dedi QR Premer-Mınıstri.
Sonymen qatar, ol barlyq kompanııalar men memlekettik organdarda jasandy ıntellekt elementteri birtindep engizilip jatqanyn atap ótti.
Shara barysynda Asqar Mamın Astana haby negizinde IT-baǵdarlamalaý mektepteri bar ekenin aıtap ótti. 2019 jyldyń qyrkúıeginde qurylǵan ınnovatsııalyq Aıtı ýnıversıteti qazirgi ýaqytta álemniń jetekshi kompanııalarymen yntymaqtastyq máselesin qarastyrýda.
Almatyda «Jahandyq ekonomıkanyń tsıfrlyq bolashaǵy» forýmy ótip jatyr. Bul sharaǵa Armenııa, Belarýs, Qazaqstan, Qyrǵyz Respýblıkasy, Reseı Federatsııasynyń, Moldova úkimetiniń basshylary men premer-mınıstrleri qatysyp jatyr.