Qazaqstan jasandy monopolııadan arylsa, jeke ınvestıtsııa kólemi artady – ózbekstandyq sarapshy

<p>TAShKENT. KAZINFORM &ndash; Bıýdjet tapshylyǵy máselesi memlekettiń ekonomıkadaǵy úlken úlesinen týyndap otyr. Úkimettiń keńeıtilgen otyrysynda Prezıdent Qasym-Jomart Toqaev kótergen <a href="https://kaz.inform.kz/news/memleket-basshisi-kasim-zhomart-tokaevtin-ukmettn-keneytlgen-otirisinda-soylegen-soz-6b25fc/" target="_blank" rel="noopener">bastamalarǵa</a> qatysty ózbekstandyq ekonomıst ıÝlıı ıÝsýpov osyndaı pikir bildirdi. Bul týraly <a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar jazdy.&nbsp;</p>

«Otyrysta qarjylandyrý baǵytyndaǵy mańyzdy máseleler kóterilip, bıýdjet tapshylǵy bolǵany aıtyldy. Meniń oıymsha, bul rettegi máseleler memlekettiń ekonomıkadaǵy úlken úlesinen týyndap otyr. Memleket úshin qarjy shyǵyny jeke sektordan bolǵany utymdy. Al barlyq jobany úkimet tarapynan qarjylandyrý ekonomıkaǵa júk túsiredi. Keıbir kezde qolǵa alynǵan baǵdarlamalar oıdaǵydaı nátıje bermeı jatady. Bul kezde memleket zardap shegedi», - dedi ıÝlıı ıÝsýpov.

Sarapshy atap ótkendeı, memlekettiń ekonomıkadaǵy úlesin jeke sektor yǵystyrsa, onda qazaqstandyq naryqta joǵary básekelestik qalyptasady. Ol úshin aldymen eldegi ınvestıtsııalyq klımatty jaqsartý mańyzdy. 

«Qazaqstandaǵy ınvestıtsııalyq klımat jaman emes. Alaıda, birqatar másele de bar. Buǵan qosa birqatar saladaǵy jasandy monopolııa damýǵa kedergi bolyp otyr. Eger bıýrokratııa men monopolııadan arylsa, onda shetelden jeke ınvestıtsııalar kele bastaıdy. Olqylyqtar joıylmasa, qarajat tek memelekettiń tikeleı aralasýymen jasandy túrde tartylady», - dep toqtaldy ózbekstandyq ekonomıst.

Prezıdent Qasym-Jomart Toqaev Sý mınıstrliginiń jumysyna qatysty da syn aıtty. Sarapshynyń paıymynsha, sý-energetıka salasynda Ortalyq Azııa elderine ózara keńesetin dıalog alańyn qurý mańyzdy. 

«Búginde sý tapshylyǵy óte mańyzdy máselege aınaldy. Ol úshin ár el óz betinshe áreket etýden ketip, birlese jumys isteýi tıis. Sáıkesinshe, Ortalyq Azııa elderine ortaq dıalog alańyn jasaqtaý kerek. Qazirgi tańda tek sý kólemin bólýmen aınalysatyn memleketaralyq komıssııa ǵana bar», - deıdi ıÝlıı ıÝsýpov.

Onyń aıtýynsha, Prezıdent ár saladaǵy ózekti máselelerdi atady. Endi jaýapty vedomstvolar sol tapsyrmalarǵa saı tıimdi ári utymdy sheshim qabyldaýǵa kirispek. Sóz sońynda ekonomıst Qazaqstanyń jańa jasaqtalǵan úkimeti aımaqtaǵy eldermen, onyń ishinde Ózbekstanmen yntymaqtastyqty nyǵaıtýǵa jumys isteıdi dep senim bildirdi.