Qazaqstan janjaldardy retteýde beıtarap bitimger bola alady - saıasattanýshy
«Іs júzinde Qaýipsizdik Keńesinde biz usynǵan taqyryptardan bólek aǵymdyq máseleler de bar. Qazir Amerıka Qurama Shtattary tarabynan ırandyq problemaǵa qatysty másele kóterilip otyr. ıAǵnı, bul qalaı bolǵanda da jahandyq kúntártipten nazar burýǵa túrtki bolady. Degenmen, sóz bolatyn janjaldardyń basym bóligi tarıhı tereń eski daýlar ekendigi anyq. Ádette bul problemalar aralarynda ár ýaqytta da qarama-qaıshylyq bar úlken derjavalar arasynda talqylanady. Jahandyq deńgeıde qaıshylyǵy joq Qazaqstan syndy elder múldem jańa, sapaly operator jáne bitimger rólinde qatysa alady. Olar - taraptar turaqtylyqty, qıyndyqtan shyǵý joldaryn izdeýge múddelik tanytyp otyrǵan kúrdeli janjaldar», - dedi saıasattanýshy.
S.Ákimbekovtiń paıymynsha, BUU Qaýipsizdik keńesine Qazaqstannyń tóraǵalyǵy janjaldardy retteý protsedýrasyn ilgeriletýdiń jańa joldaryn kóre alady. Bul rette atalǵan problemalardy sheshýge jańa model men formattar ázirleý barynsha mańyzdy bola túspek. Kıprdegi, Ońtústik Sýdandaǵy janjaldardy sheshýge beıtarap bitimger qajet. Astanada Sırııa jónidegi kelissózderdi ótkizý mundaı kómektiń qajet ekendigin kórsetip otyr. Sondyqtan Qazaqstan usynǵan kúntártibi belgili bir probelmalardy sheshýge kómek bere alady.
Esterińizge sala ketsek, 2017-2018 jyldary aralyǵynda Birikkken Ulttar Uıymynyń Qaýipsizdik Keńesine turaqsyz múshe bolǵan Qazaqstan 2018 jyldyń 1-31 qańtary aralyǵynda tarıhta alǵash ret atalǵan keńestiń tóraǵasy mindetin atqaratyn bolady. Osyǵan oraı qańtar aıynda Elbasy Nursultan Nazarbaevtyń Amerıka Qurama Shtattaryna sapary josparlanǵan.
Qazaqstannyń BUU janyndaǵy turaqty ókili, Qaýipsizdik Keńesiniń qańtardaǵy tóraǵasy Qaırat Omarovtyń aıtýynsha, 18 qańtarda keńeste jappaı qyryp-joıý qarýlaryn taratpaýǵa arnalǵan joǵary deńgeıdegi taqyryptyq brıfıng ótedi. Oǵan birqatar elderdiń basshylary men mınıstrleri qatysady. Brıfıngte Qazaqstan Prezıdenti Nursultan Nazarbaev sóz sóıleıdi.