Qazaqstan jáne Ulybrıtanııa arasynda ctrategııalyq áriptestik nyǵaıa túsedi
Jumys toptarynyń qatysýshylary, onyń ishinde Ulybrıtanııanyń bıznes toptarynyń 20-dan astam ókili ÚAK ótken jylǵy qyzmetiniń nátıjelerin zerdeledi. Sondaı-aq ekijaqty kópjosparly yntymaqtastyqty odan ári damytýdyń negizgi baǵyttaryn belgiledi. Budan basqa energetıka, qarjy jáne taý-ken sektorlaryndaǵy, sondaı-aq COVID-19 pandemııasy jaǵdaıynda densaýlyq saqtaý jáne bilim berý salasyndaǵy ózara is-qımyl perspektıvalary talqylandy.
Almas Aıdarov óz sózinde Qazaqstan tikeleı sheteldik ınvestıtsııalardy ǵana emes, jańa tehnologııalardy da tartýǵa umtylatynyn atap ótti. Osyǵan baılanysty ol brıtanııalyq bıznes ókilderin «Tsıfrlyq Qazaqstan» baǵdarlamasyna belsendi túrde qatysýǵa shaqyrdy.
«Tsıfrlandyrý, kólik, logıstıka, agrobıznes, óńdeý ónerkásibi, energetıka jáne taý-ken ónerkásibi baǵytynda ekonomıka jyldam ártaraptandyrylýda. Qazaqstan qol jetkizgen jetistikterimen toqtap qalmaı, uzaq merzimdi turaqty damýdyń jańa maqsattaryn belgiledi. QR Prezıdenti Qasym-Jomart Toqaev basqaratyn jáne EQDB burynǵy prezıdenti Ser Sýma Chakrabartı keńes berýimen qolǵa alynǵan reformalar boıynsha joǵary keńestiń qurylýy bizdiń jarqyn bolashaǵymyzdyń jolyndaǵy taǵy bir mańyzdy qadam», - dep pikir bildirdi ol.
Óz kezeginde R.Djaıavardena Qazaqstannyń astanasy Nur-Sultannyń álemdik deńgeıdegi kommertsııalyq habqa aınalý áleýeti týraly áńgimeledi. Osy maqsatqa jetý úshin qajetti taýarlardy, qyzmetterdi jáne qarjylandyrýdy, sonyń ishinde aldyńǵy qatarly sáýlet, tsıfrlyq tehnologııalar, densaýlyq saqtaý, bilim berý, qarjylyq qyzmetter, sondaı-aq jańartylatyn energııa kózderin usynýda brıtanııalyq bıznestiń sheshýshi ról atqaratynyna senim bildirdi.
«Biz qarym-qatynasymyzdy nyǵaıtýǵa jáne tereńdetýge tıispiz. Biz planetamyzdy transformatsııalaıtyn jańa tehnologııalardyń artyqshylyqtaryn paıdalana otyryp, bolashaqtyń taza, neǵurlym ártaraptandyrylǵan jáne neǵurlym ornyqty ekonomıkalaryn qurýǵa mindettimiz. Biz birlese otyryp, búkil álem boıynsha erkin saýda men halyqaralyq ınvestıtsııalardy ilgerilete alamyz», - dep atap ótti R.Djaıavardena.
ÚAK sheńberinde qarjy jáne qarjylyq qyzmetter, bilim berý, jer qoınaýyn paıdalaný, energetıka jáne densaýlyq saqtaý boıynsha bes jumys tobynyń otyrystary ótti.
Otyrysqa jáne ekijaqty kelissózderge qatysýshylar saýda-ekonomıkalyq ózara is-qımyldyń negizgi aspektileri boıynsha bir mámilege kele otyryp, koronovırýstan keıingi daǵdarystyń kúrdeli jaǵdaılarynda Qazaqstan-Brıtan strategııalyq áriptestigin odan ári keńeıtýge degen ózara nıetin rastady.
Іs-sharanyń qorytyndysy boıynsha saýda-ekonomıkalyq, ǵylymı-tehnıkalyq jáne mádenı yntymaqtastyq jónindegi Qazaqstan-Brıtan úkimetaralyq komıssııasynyń jetinshi otyrysynyń hattamasyna qol qoıylyp, ekijaqty ózara is-qımyldy odan ári keńeıtý jónindegi uzaqmerzimdi josparlar bekitildi.