Qazaqstan jáne Ózbekstan shekaralyq yntymaqtastyq máselesin talqylady
12:56, 17 Shilde 2017
ASTANA. QazAqparat - Tashkentte Qazaqstan Respýblıkasy Іshki ister mınıstriniń birinshi orynbasary Marat Demeýov pen Ózbekstan Respýblıkasy Іshki ister mınıstri birinshi orynbasary Davron Nazarmýhamedovtyń shekaralyq yntymaqtastyq máseleleri boıynsha ekijaqty kezdesýi ótti. Bul jaıynda QR ІІM baspasóz qyzmetinen málim etti, dep habarlaıdy QazAqparat.
Kezdesý barysynda ekijaqty yntymaqtastyq máseleleriniń perspektıvalary men basymdyqtary, onyń ishinde shekaralas aımaqtardyń máseleleri talqylandy. Sonymen qatar delegatsııa basshylary Qazaqstan ІІM Ońtústik Qazaqstan oblysy ІІD men Ózbekstan ІІM Djızak, Syrdarııa, Tashkent oblystarynyń 2017-2018 jyldarǵa arnalǵan uıymdastyrýshylyq jáne aldyn alý sharalardy kózdeıtin qylmysqa qarsy is-qımyldaǵy yntymaqtastyǵy jónindegi is-sharalar josparyna qol qoıdy.
Іs-sharanyń qorytyndysy boıynsha Qazaqstan men Ózbekstan Іshki ister mınıstrlikteri arasynda turaqty túrde jumys kezdesýlerin ótkizý týraly kelisim jasaldy.