Qazaqstan janarmaı baǵasyn ustap turýdy odan ári jalǵastyra beredi

ASTANA. QazAqparat - Qazaqstan teńge baǵamyn túzetkennen keıin qoıylǵan janar-jaǵar maı baǵasyn ustap turýdy jalǵastyrady. Bul týraly búgin QazAqparat tilshisine QR Munaı jáne gaz mınıstri Uzaqbaı Qarabalın málimdedi.

«JJM baǵasyn ustap turý merzimi uzartylady. Baǵa qazirgi deńgeıinde saqtalady», - dedi mınıstr.

Budan buryn mınıstrlik elimizdegi munaı qoımalarynda janarmaıdyń jetkilikti qorynyń saqtalýyna baılanysty, teńge baǵamyn túzetkennen keıin benzın men JJM baǵasy kóterilmeıtinin málimdegen bolatyn.

Qarabalınniń málimetinshe, baǵanyń saqtalýy otandyq munaı óńdeý zaýyttarynyń esebinen iske asyrylady. Óıtkeni olar tek Qazaqstan naryǵy úshin jumys isteıtin bolady jáne el aýmaǵynan munaı ónimderiniń kez kelgen túrin shyǵarýǵa tyıym salynǵan.