Qazaqstan jalpy medaldar kestesinde qaı orynda tur

<p>PARIJ. KAZINFORM &ndash; Frantsııa astanasy Parıj qalasynda ótip jatqan Olımpıada oıyndarynda Qazaqstan quramasy jalpy medaldar kestesinde 29-orynda keledi.</p>

Búgingi jalpy medaldar kestesi boıynsha Qazaqstan quramasy 1 altyn, 1 kúmis, 2 qola medalmen 29-orynǵa jaıǵasty. Al, jalpy medaldar sany boıynsha AQSh quramasy kósh basyna shyqty. Olardyń enshisinde 19 altyn, 26 kúmis, 26 qola medal bar. 

Al ekinshi orynda Qytaı quramasy kele jatyr. Olardyń enshisinde de 19 altyn, 15 kúmis, 11 qola medal bar. Al úzdik úshtikti 12 altyn, 14 kúmis, 18 qola júldemen Olımpıada qojaıyndary Frantsııa quramasy túıindep tur.

Búgin Parıj Olımpıadasynda 1 memlekettiń qorjynyna alǵashqy júldeleri tústi. Osylaısha medal alǵan elder sany 61-ge jetti.

Esterińizge sala ketsek, Frantsııa astanasy Parıj qalasynda ótip jatqan XXXIII jazǵy Olımpıada oıyndary 11 tamyzda máresine jetedi. Oıyndarǵa álemniń 205 elinen 10 500 sportshy qatysyp jatyr. Olımpıadashylar 32 sport túrinen 329 medal jıyntyǵyn sarapqa salyp jatyr.