Qazaqstan jalpy medaldar kestesinde 3 saty tómen syrǵydy

<p>PARIJ. KAZINFORM &ndash; Frantsııa astanasy Parıj qalasynda ótip jatqan Olımpıada oıyndarynda Qazaqstan quramasy búgin jalpy medaldar kestesinde 3 saty tómen syrǵyp, 15-shi orynǵa jaıǵasty.</p>

Ázirge Qazaqstan qorjynynda 1 altyn, 2 qola medal bar. Al, jalpy medaldar sany boıynsha Qytaı quramasy kósh basyna shyqty. Olar 6 altyn júldesin 8-ge jetkizip, birden medal kestesinde birinshi orynǵa kóterildi. Ázirge olar 8 altyn, 6 kúmis, 2 qola medal enshilep tur.

Ekinshi orynǵa 7 altyn, 4 kúmis, 3 qola ıelengen Aýstralııa kóterildi. Úzdik úshtikee Japonııa quramasy jaıǵasqan. Olardyń enshisinde 7 altyn, 3 kúmis, 4 qola medal bar.

Al, Olımpıada oıyndarynyń qabyldap jatqan frantsııalyqtar 6 altyn, 9 kúmis, 7 qola medalmen 4-orynda kele jatyr.

Búgin Parıj Olımpıadasynda 6 memlekettiń qorjynyna alǵashqy júldeleri tústi. Osylaısha medalǵa qol jetkizgen elder sany 40-qa jetti.

Aıta keteıik, qazir sanaýly ýaqyttardan keıin bokstan áıelder arasynda 75 keli salmaqta Valentına Halzova sharshy alańǵa shyǵady.