Qazaqstan jalpaq álemge óziniń órshil únin moıyndatty - Hananýz Rasýlova

NUR-SULTAN. QazAqparat – Qaraǵandy oblysy boıynsha «Jańǵyrý joly» jastar qozǵalysynyń múshesi Hananýz Rasýlova Memleket basshysy Qasym-Jomart Toqaevtyń «Egemen Qazaqstan» gazetinde jarııalanǵan «Táýelsizdik bárinen qymbat» atty maqalasyna oraı pikir bildirdi, dep habarlaıdy QazAqparat.

«Bıyl Qazaq eli táńiri bergen Táýelsizdiginiń, araıly azattyǵynyń otyzynshy jylyna qadam basyp otyr. Túp shejiresi sonaý ejelgi túrkiden bastaý alatyn «myń ólip, myń tirilgen» qazaq halqy baǵzy zamannan beri qanshama óziniń irgeli el, qabyrǵaly qalpyn, salıqaly saltyn saqtap qalǵany – erkindik súıgishtik jigeriniń, asqaq rýhynyń arqasy. Prezıdenttiń «Táýelsizdik bárinen qymbat» atty maqalasynda Prezıdent Qasym-Jomart Toqaev: «Babalardan mura bolǵan qasıetti jerimiz – eń basty baılyǵymyz. Qazaqqa osynaý ulan - ǵaıyr aýmaqty syrttan eshkim syıǵa tartqan joq» dep jazǵan bolatyn. Rasymen de, eńsemizdi tiktep, egemen el atanyp, óz aldyna otaý tigip derbes memleket atanǵan Qazaqstan qanshama qıyndyqtarǵa jolyqsa da tastaı berik tózimdiliktiń arqasynda, jalpaq álemge óziniń órshil únin, órkenıetke degen úmitin moıyndatty», - dedi ol.

Sondaı-aq, ol Memleket basshysy Qazaqstan Táýelsizdiginiń 30 jyldyǵyna arnalǵan maqalasynda elimizdiń úsh onjyldyqtaǵy qalyptasýy men damýynyń negizgi kezeńderin atap ótip, bolashaqqa mindetterdi aıqyndaǵanyn basa aıtady.