Qazaqstan jahandyq ıadrolyq qarýsyzdaný salasynda batyl áreket jasaýǵa úndeıdi
2014 jylǵy jeltoqsanda Venada úshinshi ıAdrolyq qarýdy qoldanýdyń gýmanıtarlyq saldary jónindegi halyqaralyq konferentsııa óz jumysyn bastady. Oǵan 151 memleketten 700-den astam delegat, sondaı-aq halyqaralyq jáne úkimettik emes uıymdar men BAQ ókilderi qatysýda. Konferentsııa baǵdarlamasyna ıadrolyq qarýdy densaýlyq, qorshaǵan ortany qorǵaý, áleýmettik-ekonomıkalyq damý, azyq-túlik qaýipsizdigi jáne taǵy basqa salalarda paıdalaný múmkindigine yqpal jasaý máseleleri engizilgen.
Konferentsııaǵa qatysyp otyrǵan jáne quramyna QR Parlament Senaty men Májilisiniń depýtattary, SІM qyzmetkerleri engen qazaqstandyq delegatsııany Qazaqstannyń Avstrııadaǵy Elshisi - Vena qalasyndaǵy halyqaralyq uıymdar janyndaǵy Turaqty ókili Qaırat Sarybaı bastap otyr.
Qazaqstandyq delegatsııa músheleri ózderiniń baıandamalarynda Prezıdent Nursultan Nazarbaevtyń ıadrolyq qarýsyzdaný salasyndaǵy bastamalary týraly aqparattandyryp, búginde elimizdiń ǵalamdyq ıadrolyq qaýipti joıý úshin sheshimdi sharalardy qolǵa alý qajettigi týraly nyq ustanymdy ustanatyndyǵy atap ótti.
Táýelsiz Qazaqstan halqy úshin Semeı synaq alańynyń jabylýynyń tarıhı róline nazar aýdaryldy. Polıgonnyń 1949-1989 jyldar aralyǵyndaǵy qyzmeti kezinde 500-ge tarta áýe, jer ústi jáne jer asty ıadrolyq synaqtar júrgizilip, onyń saldarynan jergilikti halyq zardap shegip, al synaq alańy mańaıyndaǵy jer radıoaktıvtik ýlanýǵa dýshar boldy. Sondyqtan da ıadrolyq qarýsyzdaný jáne taratpaý jónindegi ǵalamdyq protsesterge qomaqty úlesin qosqan Qazaqstan BUU Qaýipsizdik Keńesiniń turaqty emes músheligine óziniń kandıdatýrasyn usyndy.
QR Parlament Májilisiniń depýtaty, Halyqaralyq ister, qorǵanys jáne qaýipsizdik jónindegi komıtettiń hatshysy Vıktor Rogalev negizgi baıandamashy retinde aýstrııalyq Parlament depýtattary uıymdastyrǵan «Parlamentarıler ıadrolyq qarýdan azat álem úshin» atty dóńgelek ústel jumysyna qatysty.
Konferentsııa sheńberinde «ATOM» Jobasynyń Qurmetti Elshisi Káripbek Quıyqovtyń sýretteriniń kórmesi men Qazaqstannyń áskerı ıadrolyq muradan arylý tarıhyna arnalǵan fotokórme uıymdastyryldy. Venalyq forýmǵa qatysýshylardyń aldynda sóz sóılegen K.Quıyqov álemge ıadrolyq synaqtardyń qaıǵyly zardaptary týraly taǵy da eske salyp, olardy ıadrolyq synaqtarǵa túbegeıli tyıym salýdy maqsat tutatyn «ATOM» Jobasyna qoldaý kórsetýge shaqyrdy. Sondaı-aq, K.Quıyqovtyń venalyq konferentsııanyń ashylýy qarsańynda uıymdastyrylǵan «ICAN» azamattyq qoǵamynyń Forýmyna qatysyp, jasaǵan baıandamasyna joǵarǵy qyzyǵýshylyq tanytyldy.
QR Prezıdenti Nursultan Nazarbaev 2012 jylǵy 29 tamyzda «ıAdrolyq synaqtarǵa tyıym salýdan ıadrolyq qarýdan azat álemge» atty halyqaralyq konferentsııada tusaýkeserin jarııalaǵan «ATOM» Jobasy ıadrolyq qarýlardy synaýǵa birjola tyıym salýǵa qol jetkizý maqsatynda ǵalamdyq kúsh-jigerdi biriktirýge baǵyttalǵan halyqaralyq kampanııa.