Qazaqstan ıAdrolyq jabdyqtaýshylar tobyna tóraǵalyqty qabyldady

NUR-SULTAN. QazAqparat - Búgin elordada ıAdrolyq jabdyqtaýshylar tobynyń (ıAJT) Plenarlyq otyrysy barysynda Qazaqstan ıadrolyq materıaldar eksportyn júzege asyrýshy jáne atom salasyn damytýshy 48 memlekettiń bedeldi birlestigine tóraǵalyqty qabyldady, dep habarlaıdy QazAqparat.

Qazaqstan Prezıdenti Qasym-Jomart Toqaev ıAJT otyrysyna qatysýshylarǵa joldaǵan úndeýinde elimizdiń ıadrolyq qarýsyzdaný men taratpaý isine qosqan úlesi úshin halyqaralyq deńgeıde tanylýy Qazaqstan Respýblıkasynyń Tuńǵysh Prezıdenti - Elbasy Nursultan Nazarbaevtyń kúsh-jigeri men bastamalaryna negizdelgenin atap ótti.

«Sonymen qatar Memleket basshysy Qazaqstannyń ıadrolyq qarýdy taratpaý rejımin nyǵaıtýǵa beıildiligin rastap, jahandyq, sondaı-aq óńirlik qaýipsizdik múddelerine jaýap beretin mańyzdy tetigi bolyp tabylatyn ıAJT-nyń mańyzdylyǵyn basa aıtty.

Qazaqstan Prezıdenti atom energııasyn beıbit maqsatta paıdalaný úshin halyqaralyq yntymaqtastyq quqyǵyn saqtaı otyryp, Top qyzmetin nyǵaıtýǵa qoldaý bildirdi», - delingen QR Syrtqy ister mınıstrliginiń málimetinde.

ıAJT Tóraǵasynyń qyzmetin 2020 jyldyń maýsymyna deıin Venadaǵy halyqaralyq uıymdar janyndaǵy QR Turaqty ókili Qaırat Sarybaı atqaratyn bolady.

ıAJT plenarlyq otyrysy óz jumysyn 22 maýsymǵa deıin jalǵastyrady.