Qazaqstan ıadrolyq qaýipsizdik máselesinde kóshbasshy – Ulybrıtanııa SІM

ASTANA. QazAqparat – Ulybrıtanııanyń Syrtqy ister mınıstri Djeıms Kleverlı elimizdiń ıadrolyq áleýeti týraly sheshimge qatysty pikir bildirdi, dep habarlaıdy QazAqparat tilshisi.

«Biz Qazaqstandy táýelsizdiktiń alǵashqy kúninen bastap 30 jyldan astam ýaqyt boıy óz bolashaǵyn quryp kele jatqan táýelsiz ári egemen el retinde qurmetteımiz. Býdapesht hattamasyna qol qolǵan úsh eldiń birimiz. Qazaqstan egemendigi úshin orasan zor ıadrolyq áleýetten bas tartty», – dedi Djeıms Kleverlı Syrtqy ister mınıstrliginde ótken resmı kezdesýden keıin BAQ ókilderiniń saýalyna jaýap bere turyp.

«Qazaqstan ıadrolyq qaýipsizdik máselesinde óz kóshbasshylyǵyn kórsetip otyr. Bul - Qazaqstan úshin óte mańyzdy ustanym. Men Qazaqstan Prezıdentiniń ártúrli saladaǵy reformalarǵa degen adaldyǵyn joǵary baǵalaımyn», - deıdi ol.

Buǵan deıin Syrtqy ister mınıstri Djeıms Kleverlı Ulybrıtanııanyń qazaqstandyq munaı men gazdy eksporttaý joldaryn izdeýde kómekke daıyn ekenin jetkizgen edi.

Aıta keteıik, Ulybrıtanııanyń Syrtqy ister mınıstri Djeıms Kleverlı alǵash ret resmı saparmen Qazaqstanǵa keldi.