Qazaqstan – ıadrolyq qarýsyzdaný uranyn birinshi bolyp is júzinde oryndaǵan el – Norvegııanyń eks-premer-mınıstri

NUR-SULTAN. QazAqparat – Norvegııanyń burynǵy premer-mınıstri jáne Hrıstıan-demokratııalyq partııasynyń jetekshisi Kell Magne Bondevık Qazaqstannyń ıadrolyq qaýrsyzdaný qozǵalysyndaǵy orny týraly pikir bildirdi, dep habarlaıdy QazAqparat tilshisi.

Eýropaǵa tanymal saıasatkerdiń bul pikiri Norvegııanyń «Vårt Land» (Bizdiń jer) gazetinde jarııalandy.

«Qazaqstan Eýropa qaýipsizdik jáne yntymaqtastyq uıymyn basqarǵan tusta ıadrolyq qarýsyzdaný men konfessııaaralyq dıalogty damytý máselelerin kún tártibine shyǵardy. Qazaqstan – ıadrolyq qarýsyzdaný uranyn is júzinde sátti iske asyrǵan alǵashqy el edi. Táýelsizdik alǵannan soń Keńes dáýirindegi barlyq ıadrolyq qarýdy óz aýmaǵynan shyǵardy. Keıinirek Qazaqstan álemdi ıadrolyq qarýdan tazartý isinde halyqaralyq deńgeıde belsendilik tanytty», - dep jazady ol maqalasynda.

Sondaı-aq, ol Qazqastannyń dinıder arasyndaǵy dıalogty damytý baǵytyndaǵy talpynystaryn oǵary baǵalap, bul bastamalary alǵa basý úshin el ishinde adam quqyqtaryna basymdyq berile túsýi kerek degen oı aıtady.

«Qazaqstan ult pen dinge qatysty qaıshylyqtardy retteý isine de tájirıbe jınaqtap úlgerdi. El konfessııaaralyq dıalog boıynsha jumysqa belsendi qatysady. Ár túrli dinderdiń úılesim tabýy úshin dinı bostandyq pen adamnyń basqa da negizgi quqyqtaryn qurmetteý qajet. Bul baǵytta da Qazaqstan aldyna úlken maqsat qoıyp otyr», - deıdi Kell Magne Bondevık.