Qazaqstan ıadrolyq qarýǵa qarsy jahandyq qozǵalystyń kóshbasshysy boldy – Prezıdent
«Tutastaı alǵanda, Qazaqstan naryqtyq ekonomıkaǵa aınalyp, óziniń beıbitsúıgishtigi men halyqaralyq mindettemelerdi berik ustanatynyn málimdep, álemdik qaýymdastyqtaǵy bedeldi, qurmetti elge aınaldy. Álemdik qaýymdastyqta ol ıadroǵa qarsy jahandyq qozǵalystyń kóshbasshysy dep atalady. Sondaı-aq, Táýelsizdik jyldarynda Qazaqstan barlyq ekonomıkalyq kórsetkishter boıynsha Ortalyq Azııa óńirinde aldyńǵy qatarǵa shyqqanyn umytpaý kerek», - dedi Qasym-Jomart Toqaev.
Aıta keteıik, Nur-Sultanda Nur Otan partııasynyń kezekten tys XXI sezi jabyq rejımde ótip jatyr. Bekitilgen kún tártibine sáıkes, onda – partııanyń Tóraǵasyn saılaý týraly, jarǵyǵa ózgerister men tolyqtyrýlar engizý týraly jáne saıası keńes quramyna ózgerister engizý týraly úsh másele qaralady.