Qazaqstan voleıbolshylary Bahreındegi jarystyń jartylaı fınalyna joldama aldy

<p>ASTANA. KAZINFORM - Ýsa-Taýnda (Bahreın) voleıboldan erler quramalary arasynda ótip jatqan &laquo;AVC shaqyrý kýbogi&raquo; halyqaralyq týrnırinde Qazaqstan oıynshylary jartylaı fınalǵa joldama aldy.</p>

Qazaqstandyqtar shırek fınalda Aýstralııa quramasymen sheberlik baıqasty.

Birinshi partııada aýstralııalyq komanda basym tústi - 25:21. Budan keıin Vıktor Kozıktiń shákirtteri oıyn tizginin qolǵa alyp, kambek jasaı bildi - 25:23, 25:18, 25:21. Jalpy esep - 3:1, Qazaqstannyń paıdasynda.

Qazaqstan quramasy fınalǵa shyǵý úshin Qatar komandasymen talasady. Qatarlyqtar shırek fınalda Qytaıdy joldan taıdyrdy - 3:0.

Osy jarys chempıony «Segizdik fınalyna» shyǵyp, Ulttar lıgasyna beriletin jalǵyz joldamany sarapqa salady.

Eske sala keteıik, budan buryn Qazaqstan voleıbol quramasynyń tartysty matchta Taılandty utqanyn jazǵan bolatynbyz.