Qazaqstan velosport federatsııasynyń bas hatshysy Tulpar Mansurov qyzmetinen ketti
09:38, 22 Mamyr 2020
NUR-SULTAN. QazAqparat – Qazaqstan velosıped sporty federatsııasynyń Bas hatshysy Tulpar Mansurov basqa laýazymǵa aýysýyna baılanysty qyzmetinen ketti, dep habarlaıdy QazAqparat federatsııanyń Facebook-tegi paraqshasyna silteme jasap.
«Federatsııa ujymy oǵan tórt jyl jemisti qyzmet úshin alǵys bildiredi. Birlesip kúsh jumyldyrýdyń arqasynda kóptegen maqsattar júzege asyryldy, qazaqstandyq velosport úshin birqatar tarıhı oqıǵalar ótti», - delingen habarlamada.
Tulpar Mansurov QVSF Bas hatshysynyń qyzmetine 2016 jyldyń 10 aqpanynda kirisken.