Qazaqstan uıǵyrlary Elbasynyń ókilettiligin uzartý týraly respýblıkalyq referendýmdy qoldaıdy
Almaty qalasy ákiminiń orynbasary, Almaty qalalyq Qazaqstan halqy Assambleıasy tóraǵasynyń orynbasary S. Seıdýmanov uıǵyr etnosynyń Almaty qalasynyń damyp, órkendeýine úlken úles qosyp kele jatqanyn basa aıtty. «Bizdiń súıikti qalamyzdyń ekonomıkalyq áleýeti álemde 70 memleketti artqa tastaıdy. Al elimiz TMD elderi arasynda Reseıdi esepke almaǵanda jetekshi elge aınalyp úlgerdi. Osy oraıda qalamyzda jáne elimizde ár deńgeıdegi is-sharalarǵa belsene atsalysyp kele jatqan Qazaqstan uıǵyrlarynyń eńbegin basa aıtqym keledi»,- dedi S. Turaruly.
Qazaqstan halqy Assambleıasy tóraǵasynyń orynbasary, «Uıǵyr respýblıkalyq mádenıet ortalyǵy» qoǵamdyq birlestiginiń tóraǵasy Ahmetjan Shardınov Qazaqstandaǵy uıǵyr etnosy Tuńǵysh Prezıdent ókilettiligin uzartý týraly respýblıkalyq referendýmdy qoldaıtynyn málimdedi. «EQYU-ǵa tóraǵalyq pen Astanada Sammıttiń ótýi Nursultan Ábishulynyń basshylyǵymen Qazaqstannyń óristi memleket retinde ornyqqanyn ǵana emes, onyń ǵalamdyq qaýipsizdik pen áriptestikti qamtamasyz etý isine laıyqty úles qosqan, abyroıly aımaqtyq jetekshi elge aınalǵanyn kórsetti», -dedi ol.
Sharada Qazaqstan uıǵyrlarynyń referendým ótkizýdi qoldaý jóninde el azamattaryna Úndeýi qabyldanady. Onda «Búginde Qazaqstan «Ult Kóshbasshysynyń» basshylyǵymen aýqymdy álemdik ekonomıkalyq daǵdarysty nyq eńsergen kezde, elimizde nátıjesine Qazaqstan halqynyń talaı urpaǵynyń taǵdyry baılanysty jedeldetilgen ındýstrıaldy-ınnovatsııalyq damýdyń jaýapty kezeńine aıaq basqan kezde, qazaqstandyq uıǵyrlar - eldi, halyqty qanshama syndarly sátterden abyroımen alyp kele jatqan, tarıhı ólshemdegi mindetterdi sheshý qabiletin isimen dáleldegen Kóshbasshyǵa sený durys dep biledi», - dep kórsetilgen.