Qazaqstan ushqyshsyz basqarylatyn apparattar boıynsha qaı eldermen kelissóz júrgizdi

<p>Ónerkásip jáne qurylys mınıstrligi ushqyshsyz basqarylatyn apparattar óndirisin qurý jospary týraly túsinik berdi, dep habarlaıdy <a href="Kazinform" target="_blank" rel="noopener">Kazinform</a>.</p>

«Ushqyshsyz basqarylatyn apparattardy shyǵarý baǵytana toqtalsaq, áskerı-tehnıkalyq yntymaqtastyq aıasynda qorǵanys ónerkásibi kesheniniń otandyq kásiporyndary Túrkııa, Qytaı, Izraıl, Ońtústik Koreıa jáne basqa da elderdiń jetekshi kompanııalarymen birlese birqatar jobany júzege asyryp jatyr. Bul turǵyda túrli úlgidegi ushqyshsyz basqarylatyn apparattaryn óndirý jáne olarǵa qyzmet kórsetý jónindegi tehnologııalardy ıgerý jobalary qamtylǵan», - delingen Ónerkásip mınıstrliginiń Kazinform agenttigine bergen jaýabynda.

Sonymen qatar, qorǵanys ónerkásibi keshenniń jumys istep turǵan kásiporyndarynda myqty mamandardyń jáne óndiristik qýattardyń qamtamasyz etilýine baılanysty jaqyn arada ushqyshsyz apparattardy shyǵaratyn jańa zaýyttar salý qarastyrylmaǵan.

«Qazaqstan Respýblıkasynyń aýmaǵynda («Qazaqstan ınjınırıng» JShS, «Kaz Tech Innovations» JShS, «Bet Sky» JShS, «SC Tech» JShS, «Smartplane» JShS jáne basqalary) birqatar kásiporyn bar ekenin atap ótken jón. Olar óz kúshimen ishki naryqqa da, eksportqa da áskerı jáne qosarly maqsattaǵy ushqyshsyz basqarylatyn apparattaryn daıarlaý jáne óndirý boıynsha jumystardy atqaryp jatyr», - delingen atalǵan vedomstvonyń aqparatynda.