Qazaqstan úshin jańa dáýir týyp keledi – Oljas Súleımenov

NUR-SULTAN. QazAqparat – Qazaqstan úshin sapaly jańa dáýir týyp keledi. Mundaı usynysty elordada ótip jatqan Azııa elderi qalamgerleriniń tuńǵysh forýmynda qazaq aqyny Oljas Súleımenov bildirdi, dep habarlaıdy QazAqparat tilshisi.

«Biz jıi kezdese bermeımiz. Osyǵan deıin 1973 jyly, osydan 40 jyl buryn Almatyda júzdesken edik. Ol kezde Azııa men Afrıka elderiniń konferentsııasy ótti. Kúrdeli kezeń edi. Azııa men Afrıka elderinde basqynshylyqqa qarsy protsester oryn alyp jatqan. Qazir biz baıaǵydan beri táýelsizdikterin alyp, ony nyǵaıtý jolyna túsken Azııa elderinen kelgen áriptesterimizben ǵana kezdesip otyrmyz. Bul kezdesý Qazaqstan úshin aıryqsha ýaqytta ótip jatyr. Sapaly jańa dáýir týyp keledi», - dedi ol.

Oljas Súleımenov oǵan elimizde oryn alyp jatqan protsester jarqyn dálel bola alatyndyǵyn basa aıtty.

«Bul jaıynda qazirgi ýaqytta árbir otbasyda talqyǵa túsip jatqan Prezıdent Qasym-Jomart Toqaevtyń taıaýdaǵy Joldaýynda jan-jaqty aıtylǵan. Ol aıtqan reformalardyń bolýy qajetti. Biraq, Qazaqstandaǵy qoǵamdyq-saıası ómir de jańarýy kerek. Bul jaıynda, jańa ýaqyt jaıynda taıaýda ǵana Nursultan Nazarbaev tamasha aıtyp edi. Ol álemde kúshtilerdiń emes, aqyldy adamdardyń dáýiri týyp kele jatyr dep keremet aıtty. Mundaı jan-jaqty ári naqty paıymdy kópten beri estimegen edim», - dedi O.Súleımenov.

Onyń atap ótýinshe, ádebıet aqyldy adamdary tárbıeleıdi. Al aqyldy adamdar ekonomıkany kóteredi.