Qazaqstan úshin Azııa men Eýropany biriktiretin transqurlyqtyq kólik dálizin damytý mańyzdy basymdyq – Muhtar Tileýberdi
Bul týraly Qazaqstannyń Syrtqy ister mınıstri Muhtar Tileýberdi EQYU is basyndaǵy tóraıymy, Shvetsııanyń Syrtqy ister mınıstri Ann Lındemen ótken kezdesýin qorytylaǵan sózinde aıtty.
«Qazaqstan men EQYU arasyndaǵy yntymaqtastyqtyń jaǵdaıy men keleshegine, aldaǵy jyldarǵa arnalǵan yntymaqtastyq josparlaryna da kóńil bólindi. Áskerı-saıası ólshem sheńberinde halyqaralyq terrorızm, zorlyq-zombylyq ekstremızmi jáne kıberqaýipter sııaqty transulttyq syn-qaterler men qaýipterge qarsy kúres jónindegi sharalardy talqyladyq.
Halyqaralyq terrorızmge qarsy is-qımyldyń tıimdi mysaldarynyń biri Qazaqstannyń «Jýsan» jáne «Rýsafa» atty gýmanıtarlyq operatsııalarynyń qorytyndysy, sonyń nátıjesinde Sırııa men Iraktyń áskerı is-qımyl aımaqtarynan 600-den astam qazaqstandyq azamat, olardyń kópshiligi áıelder men balalar elimizge orala aldy», - dedi mınıstr.
Vedomstvo basshysy EQYU-nyń ekonomıkalyq-ekologııalyq ólsheminde Qazaqstan úshin Azııa men Eýropany biriktiretin ózara baılanysty jáne transqurlyqtyq kólik dálizderin damytý mańyzdy basymdyq bolyp qala beredtinin atady.
«Qorshaǵan ortany qorǵaý salasynda EQYU áleýetin paıdalaný boıynsha jumys jalǵasýda. Qazaqstannyń geosaıası jaǵdaılarynda, sondaı-aq bizdiń elimizdiń teńizge shyǵa almaıtyn memleket bolyp tabylatynyn eskere otyryp, ózara is-áreket elimizdiń kópvektorly saıasatynyń ajyramas bóligi bolyp tabylady», - dedi Muhtar Tileýberdi.