Qazaqstan ýran óndirý kólemin qysqartty

ASTANA. QazAqparat - Aǵymdaǵy jyldyń 4 aıynda Qazaqstanda gaz óndirý kólemi 18,7 mlrd tekshe metrdi qurady. Bul týraly búgin Úkimet otyrysynda QR Energetıka mınıstri Qanat Bozymbaev málim etti, dep habarlaıdy QazAqparat tilshisi.

«Gaz óndirý kólemi 18,7 mlrd tekshe metrdi qurady. ıAǵnı, 2017 jyldyń sáıkes kezeńine qaraǵanda 6 paıyzdan astamǵa ósim kórsetti. Gazdyń eksport kólemi 6,7 mlrd tekshe metrdi qurady. Bul byltyrǵy sáıkes kezeńmen salystyrǵanda 24,1 paıyzǵa joǵary. Osy jyldyń 4 aıynyń ishinde suıytylǵan munaı gazynyń óndirisi 1,24 mln tonnany qurady. ıAǵnı, ótken jyldyń sáıkes kezeńine qaraǵanda, 3,5 paıyzǵa artty»,- dedi mınıstr.

Onyń aıtýynsha, munaı bıtýmy óndirisi 187 myń tonnaǵa jetip, ótken jyldyń 4 aıymen salystyrǵanda 65 paıyz ósim kórsetken. 12 myń tonna bıtým eksportqa shyǵaryldy.

«Elektr energııasyn óndirý kólemi 38 mlrd kVt/saǵatty qurady. Bul ótken jyldyń sáıkes kezeńine qaraǵanda 8 paıyz artyq. Kómir óndirý kólemi 36,8 mln tonnany qurady. Ótken jyldyń sáıkes kezeńimen salystyrǵanda 3 paıyzdan astamǵa kóp. Іshki naryqqa 26,8 mln tonna kómir jetkizildi jáne 8,6 mln tonna eksportqa shyǵaryldy. Ýran óndirý kólemi shamamen 7 137 tonnany qurady. Bul 2017 jyldyń sáıkes kezeńinde óndirilgen ýrannyń 96,8 paıyzy. Bul kórsetkishtiń tómendeýi ýrannyń álemdik naryqtaǵy baǵasyna baılanysty»,- dedi Qanat Bozymbaev.