Qazaqstan ýran óndirisiniń kólemin ulǵaıta ma

ASTANA. QazAqparat – «QazAtomÓnerkásip» ulttyq atom kompanııasy» aktsıonerlik qoǵamynyń kommertsııa jónindegi bas dırektory Asqar Batyrbaev eldegi ýran óndirisiniń kólemi qandaı jaǵdaıda ulǵaıatynyn aıtty, dep habarlaıdy QazAqparat tilshisi.

«Boljamdardy, ýrandy elektr energııasyn generatsııalaý úshin alatyn energetıkalyq kompanııalardyń suranysy men usynysyn esepke alsaq, biz kóbine atom stansalarynyń ıeleri men operatorlaryna qaraılaımyz. Olardyń jaǵdaıy birqalypty bolýy úshin jańa kenishterdi daıyndap, ázirleımiz», - dedi spıker Reseı Federatsııasynyń Sochı qalasynda ótip jatqan «ATOMEKSPO-2022» atty halyqaralyq forýmda.

Sondaı-aq, Asqar Batyrbaev elde jańa ýran kenishteri ashylýy úshin qandaı alǵysharttar kerek ekenin túsindirdi.

«Biz jańa kenishterdi suranys pen usynys arasyndaǵy teńgerimdi negizge ala otyryp ashamyz. Sondaı-aq, «QazAtomÓnerkásip» óz aktsıonerlerine kelisimshart portfelinde mindetti túrde kórinis tabatyndaı qosymsha qundylyq bar ekenin kórse, jańa kenishter ashady. ıAǵnı, bizde ýran óndirisiniń kólemin arttyrý týraly kelisimshart paıda bolǵan kezde-aq sonyń negizinde óndiristi azaıtamyz nemese kóbeıtemiz», - dedi Asqar Batyrbaev.